"Barselona"nın baş məşqçisi Ronald Kuman Messinin klubu tərk etməsinin ardından ilk dəfə açıqlama verib.

"Football-plus.az" saytının məlumatına görə, təcrübəli mütəxəsiss argentinalı hücumçu haqda bu sözləri deyib:

"Bütün "Barselona" azarkeşləri Messinin ayrılığına görə əziyyət çəkir. O, 21 il ərzində bu klub üçün çox şey edib. Messinin borcu ödənilməzdi. Lakin biz keçmişlə yaşamaq məcburiyyətində deyilik. Futbolçular komandalarını dəyişə bilirlər. Keçmişdə deyil, bu günümüzdə yaşamalıyıq. Messinin gedişi haqda çox söz danışıldı. O, artıq bizimlə deyil, amma başqa oyunçularımız var. Çox güclü heyətimiz var".