Milli Olimpiya Komitəsinin prezidenti İlham Əliyev “Tokio Yay Olimpiya Oyunlarında idmançılar və onların məşqçiləri üçün ən yüksək nəticələrə görə mükafatların müəyyən edilməsi haqda” sərəncam imzalayıb.

“Football-plus.az” saytının məlumatına görə, mükafatların məbləği aşağıdakı qaydada müəyyən edilib:

1. İkinci yeri tutan hər idmançıya 100 min, onun məşqçisinə 50 min manat;
2. Üçüncü yeri tutan hər idmançıya 50 min, onun məşqçisinə 25 min manat;
3. Komandanın baş məşqçisi idman növü üzrə ən yüksək nəticə göstərən idmançıya görə şəxsi məşqçinin aldığı məbləğ qədər (bir dəfə).

Milli Olimpiya Komitəsinin maliyyə idarəsinə sərəncamdan irəli gələn məsələləri həll etmək tapşırılıb.