“Tampa”nın hücumçusu ardıcıl 3-cü çempionluğa əmindi
“Tampa-Bey”in hücumçusu Patrik Marun əmindi ki, Florida klubu ardıcıl 3-cü dəfə Stenli kubokunu qazana bilər:
“Həqiqətən də yenidən qalib gələ biləcəyimizi düşünürəm. Hər şey uşaqların sağlıq durumundan, ümumi vəziyyətdən və işə münasibətdən asılıdı. Bir-birimizlə yazışırıq, fikirlərimizi bölüşürük və belə mənzərə yaranır: iki aparıcı bəndi, iki müdafiəçi cütlüyünü və dünyanın ən yaxşı qapıçısını saxlaya bilmişik. Komandaya Belmar gəlib, Kolton və Jozef də var. Onlara Teylor Reddişi də əlavə edin və bütün mövqelər qapanır. Belədi? Breyden Poynt, Kuçerov və Palat da heyətdədi. Yenidən zirvəyə qalxa biləcəyimizə 1 saniyə də şübhə etmirəm. Uşaqlar bunu istəyir. Bunun üçün də oynayırıq”.
Bildiyiniz kimi, son mövsümdə Stenli kubokunun finalında “Tampa-Bey” “Monreal”a 4:1 hesabıyla qalib gəlib. Marun həm son, həm də 2019/20 mövsümündə “Laytninq”in heyətində olub, 2018/19 mövsümündə isə “Sent-Luis”in heyətində çempionluğu bayram edib. Forvard son 57 ildə MHL-də ardıcıl üç dəfə Stenli kubokunu qazanan ilk oyunçudu.
Bu arada ABŞ-da koronavirusa yoluxanlarının sayında gündəlik artımı nəzərə alan MHL rəhbərliyi klublara azarkeşlərin iştirakı ilə hər hansı tədbir keçirməyi qadağan edib. Bu qadağa həm korporativ tədbirlərə, həm də xeyriyyə aksiyalarına aiddi. Auditoriya önündə çıxışlar, avtoqtaf sessiyaları, həmçinin əlsıxmalar da qadağalar siyahısına düşüb. Həmçinin o da qeyd olunur ki, jurnalistlər peyvənd olunmalı, klub əməkdaşları ilə ünsiyyət zamanı maska taxmalıdılar..
