Lionel Messini transfer etmək istəyən klubların sayı artır.
"Football-plus.az" saytının məlumatına görə, "Barselona"dan ayrılan hücumçunu heyətinə qatmaq uğrunda mübarizəyə "Tottenham" də qoşulub.
London təmsilçisi argentinalı futbolçunun transferində israrlıdı. İngiltərə mətbuatı "mahmızlar"ın bunun üçün əsas rəqibi PSJ ilə mübarizə aparmağa hazır olduğunu qeyd edib.
"Tottenhem"in baş məşqçisi Nunu Santunun yeni mövsüm öncəsi klubdan transferlər üçün böyük büdcə istədiyi bildirilib. Messinin kluba keçidi baş tutacağı halda, Harri Keyni sata biləcəyi də qeyd olunub.
Qeyd edək ki, 34 yaşlı futbolçunun PSJ-yə keçməyə yaxın olduğu bildirilsə də, o, ötən gün açıqlamasında digər təklifləri də dəyərləndirdiyini vurğulayıb.
