“Tottenhem” növbəti transferini reallaşdırıb.

"Football-plus.az" saytının məlumatına görə, İngiltərə klubu heyətinə yeni müdafiəçi cəlb edib. London təmsilçisi “Atalanta”nın arxa xətt oyunçusu Kristian Romeronu heyətinə qatıb. 23 yaşlı argentinalı yeni mövsümdə “mahmızlar”ın heyətində icarə əsasında top qovacaq. “Tottenhem” bir ildən sonra onunla daimi əsasda müddəti 2026-cı ilin yayına qədər nəzərdə tutulan müqavilə imzalamaq hüququna malikdi.

Qeyd edək ki, Romero ötən mövsüm “Atalanta”nın formasında bütün turnirlərdə meydana çıxdığı 42 matçda 3 qol vurub və 5 məhsuldar ötürmə verib. Argentina yığmasında bu il debüt edən Kristian Amerika Kubokunun qalibi olub. Onun milli komandada 5 oyuna 1 qol vurduğunu da xatırladaq.