"Neftçi"nin əsas qol ümidi Namik Ələskərovla bağlı transfer dedi-qoduları səngimək bilmir.

"Football-plus.az"ın məlumatına görə, Türkiyənin "Ajansspor.com" portalı Azərbaycan millisinin üzvünün "Bursaspor"la razılaşdığını iddia edir. Qardaş ölkənin mətbu orqanı 26 yaşlı futbolçunun özünün də TFF 1-liqa təmsilçisində çıxış etmək istədiyini bildirib. Tərəflər arasında keçirilən son görüşdə razılıq əldə olunduğu və "Bursaspor"un Namiki transfer etdiyi vurğulanıb.

Qeyd edək ki, Ələskərov ötən mövsüm "Neftçi"nin heyətində 30 qarşılaşmada 19 qol vurub, 4 assist edib.

İLKİN SULTANLI