Bu gün Tokio 2020-də daha bir medal ümidimiz, İrina Zaretska mübarizəyə qoşulub.

Karateçimiz A qrupundakı ilk görüşündə yaponiyalı Ayumi Uekusa ilə qarşılaşıb və 4:1 hesabı ilə qalib gəlib. O, növbəti döyüşünü Silviya Semeraroya (İtaliya) qarşı keçirib və 3:2 hesablı qələbə qazanıb. İdmançımız daha sonra Sofya Berultsevaya (Qazaxıstan) ilə üz-üzə gəlib və 4:5 hesab ilə uduzub.

4 xalla qrup ikincisi olan İrina son döyüşü türkiyəli Meltem Akyola qarşı keçirib. O, rəqibinə 4:0 hesabı ilə qalib gəlib. Medalı özü üçün təmin edən 25 yaşlı Bakı vaxtı ilə saat 14.20-də finala yüksəlmək üçün digər qrupun ikincisi olan çinli Li Qonqla üz-üzə gəlib. Qarşılaşma təmsilçimizin 7:2 hesablı qələbəsi başa çatıb. Bununla da İrina adını finala yazdırmağı bacarıb. Karateçimiz finalda misirli Feryal Abdelazizə məğlub olub. Beləcə gümüş medalla kifayətlənib.