Renat Dadaşov karyerasını Portuqaliyada davam etdirəcək.

İngiltərənin “Vulherhempton” klubunda çıxış edən azərbaycanlı futbolçusunu yüksək liqa təmsilçisi "Tondela" 1 mövsümlük icarəyə götürüb.

Bu barədə klubun rəsmi saytı məlumat yayıb. Bu gün tibbi müayinədən keçən 22 yaşlı futbolçunun sabahdan komanda ilə məşqlərə qoşulacağı bildirilib.

Qeyd edək ki, Renat Dadaşovun "Vulherhempton"la müqaviləsi 2023-cü ilin yayına qədərdi. O, 2019-cu ildə icarə əsasında Portuqaliyanın "Pasuş de Ferreyra" klubunda çıxış edib.