Gürcüstan klubundan ayrılan futbolçu 1-ci divizionda - AÇIQLAMA
1-ci divizionun növbəti mövsümü üçün hazırlaşan "Kəpəz" heyətini gücləndirməyi davam etdirir.
"Futbol+"in məlumatına görə, Gəncə təmsilçisi daha bir yerli oyunçu ilə münasibətləri rəsmiləşdirib. Yaxın günlərdə Gürcüstanın "Samtrediya" klubundan ayrılan İbrahim Qədirzadə artıq "sarı-göylər"in uğuru üçün çalışacaq. Bu məlumatı yarımmüdafiəçinin özü "Futbol+"ə açıqlamasında təsdiqlədi:
"Hazırda Lənkərandayam. 3-4 günə gedəcəm Gəncəyə. "Kəpəz"lə rəsmi müqavilə imzalayacam. İnşallah hər şey yaxşı olar. Əlimdən gələni edəcəm ki, "Kəpəz"də uğur qazanam".
Qeyd edək ki, Gəncə təmsilçisi bu gün Cavid İmamverdiyevi də heyətinə qatdığını açıqlamışdı
İLKİN SULTANLI
