De Byazi İtaliyada dincəlir
Srağagün Konfrans Liqasının 2-ci təsnifat mərhələsinin “Qarabağ” - “Aşdod” matçını izləyənlər arasında milli komandamızın baş məşqçisi Canni de Byazi də olmalıydı.
“Futbol+”ə assosiasiyanın mətbuat xidmətindən belə bir məlumat daxil olmuşdu. Sonrada bəlli oldu ki, italiyalı mütəxəssis görüşü Tofiq Bəhramov adına stadiondan izləməyib.
Bunun səbəbini öyrənmək üçün AFFA-nın Mətbuat və İctimaiyyətlə Əlaqələr Departamentinin rəhbəri Firuz Abdulla ilə əlaqə saxladıq. Qurum rəsmisi Canni de Byazinin hazırda məzuniyyətdə olduğunu bildirdi:
“İtaliyalı mütəxəssis ölkəsində istirahət edir. O, öz istəyi ilə “Neftçi” - “Dinamo” oyununu izləmək üçün Bakıya gəlmişdi. Məzuniyyəti olduğu üçün yenidən ölkəsinə qayıtdı. Bu səbəbdən də “Qarabağ” - “Aşdod” qarşılaşmasını izləyə bilmədi. Matça italiyalı mütəxəssisin köməkçiləri Arif Əsədovla Benito Karbone birgə baxdılar. Onlar milli komandanın üzvləri ilə bağlı qeydlərini aparıblar”.
İLKİN SULTANLI
