Simone Padoin yenidən “Yuventus”a xidmət edəcək.
Sabiq futbolçu Turin klubuna məşqçi kimi qayıdıb. 37 yaşlı Padoin baş məşqçi Massimiliano Alleqrinin köməkçisi olacaq. Bu barədə klubun mətbuat xidməti məlumat yayıb.
Xatırladaq ki, Padoin “Yuventus”da 2012-16-cı illərdə çıxış edib və ardıcıl 4 dəfə İtaliya çempionu olub. Turini tərk edəndən sonra “Kalyari” və “Askoli”nin formasını geyən keçmiş yarımmüdafiəçi futbolçu karyerasını ötən ilin oktyabrında başa vurub.
