İrlandiyalı Konor Makqreqor ayaq zədəsi ilə bağlı sözlərinə sübut kimi şəkillər təqdim edib.
UFC-nin sabiq çempionu bir neçə gün əvvəl ayağının amerikalı Dastin Porye ilə döyüşdən əvvəl zədələndiyini bildirmişdi. Xatırladaq ki, həmin döyüşün ilk raundundan sonra həkimlər Konorun oktaqona dönməsinə icazə verməmiş, texniki məğlubiyyət qeydə alınmışdı:
“Kimin nə düşünməsindən asılı olmayaraq, səyahətimi bitirmək fikrində deyiləm. Bütün dövlərin ən yaxşısı”.
UFC prezidenti Dana Uayt da Konorun hələ döyüşə qədər ayaq biləyində problem olduğunu təsdiqləyib. Onun dediyinə görə, irlandiyalı son iki ildə xroniki artritdən əziyyət çəkir:
“Konor döyüşdən əvvəl soruşdu ki, ayaq biləyini sarıya bilərmi? Nevada ştatının idman komissiyası ona icazə versə də, sonradan fikrindən daşındı. Bəli, onda xroniki artrit var”.
