* Niderlandlı tennisçi Kiki Bertens Tokio Olimpiadasının ardından karyerasını bitirəcəyini açıqlayıb: “Bu, mənim son turnirim olacaq. Bütüm gücümü qoymalıyam. Tokio, biz gəlirik”.

29 yaşlı Bertens 10-u fərdi hesabda olmaqla 20 WTA turnirində qalib gəlib.
* Ukraynalı tennisçi Yelina Svitolina fransalı həmkarı Qael Monfislə ailə qurandan sonra sosial şəbəkələrdə soyadını dəyişib. Xatırladaq ki, 2019-dan bəri görüşən tennisçilər iyulun 16-da İsveçrədə ailə qurub. Bu ilin fevralında cütlük münasibətlərdə fasilə yarandığını elan etsə də, artıq apreldə Yelina Monfisin xanımı olmaq təklifini qəbul edib.

* Serb tennisçi Novak Cokoviç Olimpiada ilə bağlı gözləntilərini bölüşüb: “Tokioya “qızıl” arxasınca gedirəm. Bu sirr deyil. Ölkəni Olimpiya Oyunlarında təmsil etmək heç bir başqa hissə bənzəmir”.

Olimpiadanın tennis yarışları 24 iyul – 1 avqust aralığında keçiriləcək. Rio Olimpiadasında Endi Marrey qalib gəlmişdi.