Qvineya Tokio-2020-yə qatılmaqdan imtina etdi
Sabah Tokio Yay Olimpiya Oyunlarının açılış mərasimi keçiriləcək.
“Futbol+”in məlumatına görə, iştirakçı ölkələrdən biri turnirə qatılmaqdan imtina edib. Belə ki, Qvineya millisi Olimpiadadan imtina edib. Bu barədə ölkənin idman naziri Sanussio Sou məlumat verib. O, bu addıma səbəbin koronavirus olduğunu bildirib. Yoluxma hallarının artması səbəbindən hökumət belə bir qərar verib:
"İdmançılarımızın sağlamlığını nəzərə alaraq Tokiodakı oyunlarda iştirak etməmək qərarı verdik".
"L'Equipe" nəşrinin məlumatına görə isə Qvineya dövlətinin bu qərarı verməsinə maddi problemlər səbəb olub.
Qeyd edək ki, Qvineya Tokio-2020-də 5 idmançı ilə təmsil olunmalı idi.
