Konfrans Liqasının 2-ci təsnifat mərhələsinin "Qarabağ" - "Aşdod" (İsrail) matçının baş hakimi dəyişib.
"Futbol+"in məlumatına görə, bu barədə UEFA-nın rəsmi saytı xəbər verib. Oyunu polşalı Kriştof Yakubik idarə etməli idi. Lakin matçın referisi dəyişib. Görüşün ədalət təmsilçisi ukraynalı Sergey Boyko olacaq. Ona polşalı yan xətt hakimləri Arkadiuş Vuyçik və Tomaş Nemirovski kömək edəcəklər. Dördüncü hakim funksiyasını da Polşadan Pyotr Lasyik yerinə yetirəcək.
Qeyd edək ki, "Qarabağ" - "Aşdod" matçı iyulun 22-si saat 20.00-da başlayacaq.
