"Keşlə"nin Konfrans Liqasındakı rəqibi "Soçi" heyətini daha bir hücumçu ilə gücləndirib.

Soçililər "Orenburq"a məxsus olan 23 yaşlı Nikolay Vorobyovu icarəyə götürüb.

Vorobyov cari mövsümdə "Orenburq"un heyətində keçirdiyi 2 oyunda 1 qol və 4 məhsuldar ötürmə ilə yadda qalıb. Məşhur "transfermarkt" saytının 750 min avro qiymət qoyduğu hücumçunun ötən mövsümdəki göstəriciləri belə olub: 39 oyun, 24 qol, 3 məhsuldar ötürmə. Vorobyov "Krasnodar"ın yetirməsidi.