İyunun 28-dən iyulun 11-dək Mingəçevirdə yerləşən "Kür” Olimpiya Tədris-İdman Mərkəzində təlim-məşq toplanışı keçən qadın voleybolçulardan ibarət Azərbaycan millisi Bakıya qayıdıb.

Federasiyanın rəsmi "facebook" səhifəsinin məlumatına görə, yığmamız Avropa çempionatına hazırlıqları iyulun 26-dək paytaxtda davam etdirəcək.

Millimiz hazırlığın gedişində ölkəmizdə toplanış keçəcək Belarus və Macarıstan komandaları ilə bir neçə yoldaşlıq görüşü keçirəcək.

Qeyd edək ki, avqustun 18-dən sentyabrın 4-dək baş tutacaq Avropa çempionatının final mərhələsində 24 komanda 4 qrupda mübarizə aparacaq. Oyunlara 4 ölkə – Bolqarıstan, Rumıniya, Serbiya və Xorvatiya ev sahibliyi edəcək. A qrupunda mübarizə aparacaq komandamızın rəqibləri ev sahibi Serbiya ilə yanaşı, Belçika, Rusiya, Fransa və Bosniya və Herseqovina yığmaları olacaq.

Yığmamız görüşlərini Serbiyanın paytaxtı Belqradda keçirəcək.

20 avqust
17:00. Azərbaycan - Belçika

21 avqust
18:00. Azərbaycan – Bosniya və Herseqovina

22 avqust
17:00. Rusiya – Azərbaycan

24 avqust
20:00. Azərbaycan - Serbiya

25 avqust
17:00. Fransa – Azərbaycan