"Sumqayıt"ın Konfrans Liqasının 2-ci təsnifat mərhələsində rəqibi olan Serbiya "Çukariçki"sinin futbolçusu Stefan Şapiç alo.rs saytına danışıb.

24 yaşlı serb müdafiəçi bildirib ki, "gənclik şəhəri" təmsilçisi ilə oyuna hazırlaşmaq üçün yetərincə vaxtları var:

"Açığı, hələlik rəqib haqda məlumatımız azdı. Amma şablon səslənsə də, bu gün hamı futbol oynamağı bacarır. Məşqçilər heyəti lazım olan hər şeyi edəcək. Bizim işimiz isə onların tapşırıqlarını yerinə yetirmək və ilk dəqiqələrdən meydanda düzgün oynamaqdı".

Xatırladaq ki, "Çukariçki" ilə "Sumqayıt" arasındakı ilk oyun iyulun 21-də Serbiyada, cavab görüşü 29-da Sumqayıtda baş tutacaq.