“Barselona”nın sabiq oyunçusu Xavi Ernandes Messi barədə danışıb.

Hazırda “Əl Sədd”in baş məşqçisi olan ispaniyalı, hücumçunun Kataloniya klubu ilə müqaviləni uzadacağına inandığını deyib:

“Bunlar transfer bazarının şərtləridi, gözləməliyik. İnanıram ki, Messi prezidentlə danışır. Ona bir dost kimi ən yaxşısını diləyirəm və karyerasını “Barselona”da davam etdirməsini istəyirəm. İnanıram ki, bu, bir an əvvəl açıqlanacaq.

Messi “Barselona”da xoşbəxtdi, karyerası ərzində yalnız bu klubda oynayıb. Onun müqaviləsini uzadacağına inanıram”.

Xatırladaq ki, Messinin Kataloniya təmsilçisi ilə müqaviləsi iyunun 30-u başa çatıb.