Premyer-liqa təmsilçiləri yeni mövsümün hazırlığına başlasa da, hakimlərdən səs-soraq yoxdu.

Referilər, AFFA nümayəndələri və hakim-inspektorlar üçün təlim-məşq toplanışının nəzərdə tutulub-tutulmadığı bəlli deyil.

Məsələ ilə bağlı AFFA-nın Hakimlər və Hakim-İnspektorlar Komitəsinin sədri Frits Stuxlikə rəsmi “e-mail” ünvanladıq. Avstriyalının sualımıza cavabı belə oldu:

“Təlim-məşq toplanışı nəzərdə tutulmayıb. Lakin gündəlik məşqlər və müxtəlif seminarlarla ən yaxşı şəkildə hazırlaşacağıq”. Komitə sədri VAR sisteminin Azərbaycanda tətbiqi ilə bağlı yeniliyin olub-olmadığı ilə bağlı da danışdı: “Bu məsələnin üzərində işləyirik. Lakin hazırda xüsusi elan ediləcək bir şey yoxdu”.

Artıq həm Çempionlar Liqası, həm Avropa Liqası, həm də Konfrans Liqasında yeni mövsüm start götürməkdədi. UEFA referilərimizə bu qarşılaşmalarda güvənəcəkmi? Avstriyalı funksioner məsələ ilə bağlı bunları söylədi:

“Təbii ki, iyulda təyinatlar olacaq. Xüsusilə Rauf Cabbarovla Elçin Məsiyev üçün təyinatların gələcəyi gözlənilir. UEFA tərəfindən yekun məlumat alınan kimi ictimaiyyətə məlumat veriləcək”.

İLKİN SULTANLI