Rusiya millisinin keçmiş kapitanı İqor Akinfeyev ölkəsində futbolun inkişafındakı problemlərdən danışıb.

O, Rusiya Futbol Federasiyasını sərt tənqid edib:

“Son illərdə çox sayda şüarımız var. Dövlət Dumasından başlayaraq hər kəs nə isə edəcəyini söyləyir, amma heç kim konkret bir şey etmir. Uşaq futbolunun inkişafı yoxdu, proqramı yoxdu.

Meydançalar qurduqlarını deyirlər. Və sonra nə olur? Bu meydançaları kiməsə icarəyə verirlər. Böyük qarınlı kişilər 200 dollara qaçırlar. Bütün bunlar futbolumuzun inkişafıdı.

Yeni stadionlardan da danışırlar. Yeni stadionlarda kim oynayır? “Tambov”? Kifayət qədər oynadıq”.