“Bavariya”dan ayrılan Xavi Martines karyerasını Qətərdə davam etdirəcək.
32 yaşlı yarımmüdafiəçi azad agent statusu ilə bu ölkənin eyniadlı klubuna keçib.
Hələ ki onunla imzalanan müqavilənin detalları açıqlanmayıb.
Qeyd edək ki, Xavi “Bavariya”ya 2012-ci ildə “Atletik”dən keçmişdi. O, ötən müddətdə 8 dəfə Almaniya çempionu olub, 5 dəfə ölkə kubokunu, 4 dəfə ölkə superkubokunu qazanıb. Onun iki dəfə Çempionlar Liqasında, Avropa Superkubokunda və Klublararası Dünya Çempionatında qalib olduğunu da xatırladaq. İspaniyalı futbolçu son mövsüm bundesliqada 19 matçda meydana çıxıb.