Mahir Emreli Polşanın “Legiya” klubunda ilk oyununa çıxıb.

24 yaşlı hücumçunun Varşava təmsilçisindəki qeyri-rəsmi debütü yoxlama görüşünə təsadüf edib.

O, Avstriyanın “Bişofşofen” klubu ilə qarşılaşmaya start heyətində çıxıb. Futbolçumuz artıq 6-cı dəqiqədə sonra həm matçda, həm də özünün “Legiya”da qol hesabını açıb. O, 22-ci və 36-cı dəqiqələrdə də rəqib qapısına yol taparaq het-trikə imza atıb.

31 dəqiqəyə üç dəfə fərqlənən Emreli ilk yarıdakı bütün qolların müəllifi olub. Fasilədən sonra daha iki qol vuran “Legiya” rəqibinin darmadağınını 5:0-a çatdırıb.

Qeyd edək ki, Mahirin komandası yeni mövsümə hazırlıq çərçivəsində növbəti matçını iyunun 20-də Macarıstan təmsilçisi “Ferensvaroş”a qarşı keçirəcək.