Ukrayna Futbol Federasiyasının dəvəti ilə mayın 25-dən 29-dək Valeri Lobanovskinin xatirəsinə həsr olunan beynəlxalq turnirdə iştirak edəcək, bu yarışa hazırlıq məqsədilə mayın 19-dan 24-dək Bakıda təlim-məşq toplanışı keçəcək 21 yaşadək futbolçulardan ibarət yığmanın heyəti açıqlanıb. U-21 yarış çərçivəsində ilk oyununu mayın 26-da Ukrayna, 27-də isə Özbəkistana qarşı keçirəcək. Turnir üçün heyətə dəvət olunacaq futbolçuların yekun siyahısı mayın 24-də açıqlanacaq. Millinin Bakı toplanışı üçün bu futbolçulara dəvət göndərilib: Nicat Mehbalıyev, Rüstəm Samiqullin, Arsen Ağcabəyov, Xəyal Əliyev, Şakir Seyidov, Camal Cəfərov, Veysəl Rzayev (hamısı “Sabah”), Əlirza Müştəbazadə, Mərt Çelik, Nihad Qurbanlı, Asim Əlizadə, Fərid Yusifli, Vüsal Əsgərov, İsmayıl Zülfüqarlı (hamısı “Neftçi”), Rauf Hüseynli, Zamiq Əliyev (hər ikisi “Qarabağ”), Rüfət Əhmədov (Qəbələ), Cəlal Hüseynov, Musa Qurbanlı (hər ikisi “Zirə”), Rəşad Həsənov (Keşlə), Kamal Kazımov (“Kasımpaşa”, Türkiyə), Ədilxan Qarəhmədov (Səbail), Vidadi Cəfərov (Turan Tovuz).