“Latsio”nun oyunçusu qəzada həlak oldu

“Latsio”nun yeniyetmələrdən ibarət komandasının oyunçusu Daniel Qerini qəza nəticəsində həlak olub. Hadisə Roma şəhərində baş verib.
Qəza zamanı maşında 19 yaşlı yarımmüdafiəçi ilə yanaşı, onun iki dostu da olub. Daniel hadisə yerindəcə dünyasını dəyişib, digər iki şəxs isə ağır vəziyyətdə xəstəxanaya çatdırılıb. Qeyd edək ki, Qerini bazar günü 19 yaşını tamamlamışdı. O, İtaliyanın U-15 yığmasında 9, U-16 millisində isə 4 oyun keçirib.