Futbol üzrə İspaniya 2-ci liqasında 30-cu turun oyunları keçirilib.

"Futbol+" xəbər verir ki, Azərbaycan milli komandasının yarımmüdafiəçisi Eddi İsrafilovun formasını geyindiyi “Albasete” doğma meydanda “Kartaxena” ilə qarşılaşıb. Futbolçumuzun komandası bu oyundan qələbə ilə ayrılıb - 2:0.

İsrafilov da bu oyunun iştirakçısı olub. O, start heyətdə meydana çıxıb və sonadək mübarizə aparıb.

“Albasete” 30 oyuna topladığı 29 xalla 22 iştirakçı arasında 21-ci pillədə qərarlaşıb.