Moldovanın “Dinamo-Avto” klubu Orxan Qurbanlının keçidini açıqlayıb. 25 yaşlı yarımmüdafiəçi 2021-ci ilin sonuna qədər icarə əsasında Tiraspol təmsilçinin uğurları üçün çalışacaq. Orxan müqavilə ilə “Ventspils”ə məxsusdu. Latviya təmsilçisi ötən ay onunla müqavilə bağlasa da, “Dinamo-Avto”ya icarəyə vermişdi. Lakin həmin vaxtdan bəri futbolçu sənəd problemi ilə bağlı Moldova klubunda qeydiyyatdan keçə bilmirdi. Artıq bu problem aradan qalxıb. Tiraspol klubu onun adını sifariş ərizəsinə salıb. Qurbanlının debütü martın 19-da, “Milsami” ilə görüşdə rəsmiləşə bilər.
“Neftçi”nin yetirməsi olan Orxan ölkəmizdə “Səbail”də də çıxış edib. Yarımmüdafiəçi 2016-ci ildə icarə əsasında 6 ay “Dauqavpils”in formasını geyib.