Sizin reklam burada

“Sabah” sonuncu pillədən qurtula biləcəkmi?

Title
Bazar ertəsi premyer-liqada 19-cu tur start götürəcək. Həftənin ilk, həm də bayram günündə çempionatın iki qarşılaşması keçiriləcək. Bu oyunlar “CBC Sport” vasitəsi ilə canlı yayınlacaq.
Azərbaycan premyer-liqası
3-cü dövrə, 19-cu tur
8 mart
Sabah - Sumqayıt
“Sabah”ın bu rəqiblə ev oyunlarının balansı: 4:+0=1-3, 4-10.
2018/19 - 1:4, 1:1; 2019/20 - 1:3; 2020/21 - 1:2.
Cəzalı: Əli Qurbani (Sumqayıt).
“Futbol+”in proqnozu: 30-30-40.
Masazır. Bank Respublika Arena. Saat 16.00
Turun açılış oyununda “Sabah” “Sumqayıt”ı qəbul edəcək. Komandalar bu mövsüm artıq 3-cü dəfə üz-üzə gələcək. 7-ci turda “Sumqayıt” səfərdə Masazır klubunu məğlub etmişdisə, 13-cü turda “Sabah” “kimyaçılar”ı üstələdi. Hər iki görüşdə də eyni nəticə qeydə alınıb - 1:2. Visente Qomesin komandası qalib gəlməklə sonuncu pillədən qurtulmağa çalışacaq. “Kimyaçılar” isə 3 turdan sonra qələbə sevinci yaşamaq niyyətindədi. Ayxan Abbasovun yetirmələri bu turda da xal itirəcəkləri təqdirdə Avroliqa hədəflərini təhlükəyə atmış olacaqlar.
Maraqlısı budu ki, “Sabah” indiyə kimi Masazırda “Sumqayıt”a qalib gələ bilməyib. Lakin “göy-ağlar” doğma meydandakı bütün qarşılaşmalarda fərqləniblər.
Bu komandalar Azərbaycan çempionatında ümumilikdə 9 dəfə qarşılaşıb. 5 görüşdə “Sumqayıt”, 3-də “Sabah” qələbə qazanıb. 1 matçda isə qalib müəyyənləşməyib. Topların nisbətində “kimyaçılar” öndədi - 14-8.
“Sabah” - “Sumqayıt” görüşlərində ən çox fərqlənən futbolçu Əmir Ağayevdi. O, “kimyaçılar”ın heyətində “tələbələr”i 3 dəfə məyus edib. İkinci sırada isə Elvin Məmmədov qərarlaşıb. Hazırda “Sumqayıt”da çıxış edən sabiq yığma üzvünün Ağayevə çatması üçün 1 qol lazımdı.
Ayxan Abbasov baş məşqçi kimi “Sabah”a qarşı meydana 7 dəfə komanda çıxardıb. 39 yaşlı mütəxəssis bu görüşlərdə 4 qələbə qazanıb, 2 məğlubiyyət yaşayıb. 1 görüş isə heç-heçə bitib.
73. Keşlə - Neftçi
“Keşlə”nin bu rəqiblə ev oyunlarının balansı: 32:+11=6-15, 33-39.
1999/20 - 2:3; 2000/21 - 1:4; 2001/02 - 0:2, 0:1; 2003/04 - 0:0; 2004/05 - 2:1; 2005/06 - 0:1; 2006/07 - 0:1, 2007/08 - 0:0; 2008/09 - 2:2; 2009/10 - 1:0, 1:1; 2010/11 - 0:2, 1:1; 2011/12 - 2:1, 1:2; 2012/13 - 1:1, 0:1; 2013/14 - 3:1, 2:1; 2014/15 - 2:1, 4:0; 2015/16 - 1:0, 0:1; 2016/17 - 2:1, 1:3; 2017/18 - 0:2, 2:1; 2018/19 - 0:1, 0:1; 2019/20 - 2:1; 2020/21 - 0:1.
Cəzalı: Şəhriyar Əliyev (Keşlə).
“Futbol+”in proqnozu: 30-30-40.
Bakı. ASK Arena. Saat 18.15
Paytaxt derbisi hər iki komanda üçün əhəmiyyətlidi. “Keşlə” Sənan Qurbanovun rəhbərliyində hələ ki premyer-liqada qələbəyə həsrətdi. “Qırmızılar” avrokuboklara çempionat yolu ilə vəsiqə qazanmaq istəyirsə, nəhayət, qələbə qazanmalıdı. Çempionluq uğrunda mübarizəni davam etdirən “Neftçi”yə də qələbə hava-su kimi lazımdı. Samir Abasovun komandası birgünlüyə də olsa, turnir cədvəlində vahid lider olmağı planlaşdırır. Bu mövsüm derbilərdə üstünlük flaqmana məxsusdu. İlk iki dövrədə “Neftçi” həm səfərdə, həm də doğma meydana qələbəyə sevinib - 1:0, 2:1.
Komandalar ölkə çempionatında ümumilikdə 64 dəfə üz-üzə gəlib. Flaqman 34, “Keşlə” 15 oyunda qələbə qazanıb. 15 derbidə qalib müəyyənləşməyib. Topların nisbətində də “Neftçi” irəlidədi – 97-62.
Son 19 paytaxt derbisində “Neftçi” qol vurmağı bacarır. Bu komandaların görüşlərində ən çox fərqlənənlərə gəlincə, “Neftçi”nin sabiq oyunçuları Nikolas Kanales və Araz Abdullayev hərəyə 5 dəfə “Keşlə”nin məyus edib. Onları 4 qolla Vaqif Cavadov, Ruslan Qurbanov və Mirabdulla Abbasov izləyir. Dağıstan əsilli forvard həm “Neftçi”də, həm də “Keşlə”də çıxış edib. Mirabdulla hələ də “Neftçi”nin əsas forvardıdı. Bazar ertəsi fərqlənəcəyi təqdirdə derbinin bombardirləri siyahısında liderliyə yüksələcək.
Sənan Qurbanov baş məşqçi kimi “Neftçi”yə qarşı 3 oyun keçirib. Bu qarşılaşmaların hamısında “Qəbələ”ni çalışdırıb. 40 yaşlı mütəxəssis bu görüşlərdə 1 qələbə qazanıb, 1 heç-heçə edib. 1 oyun isə “Neftçi”nin xeyrinə başa çatıb.
Samir Abasov “Keşlə”yə qarşı 14 oyun keçirib. 6 görüşdə qələbə qazanan 43 yaşlı çalışdırıcı 5 matçda məğlub olub. 3 dueldə qalib müəyyənləşməyib.
Samir Abasov və Sənan Qurbanov məşqçi kimi 3 dəfə üz-üzə gəlib. Görüşlərin 1-də Abasov, 1-də isə Qurbanov qalib gəlib. 1 duel isə heç-heçə bitib.
1. Neftçi 18 11 3 4 23-18 36
2. Qarabağ 18 10 6 2 42-13 36
3. Zirə 18 7 8 3 23-18 29
4. Sumqayıt 18 6 6 6 20-21 24
5. Qəbələ 18 5 6 7 16-26 21
6. Səbail 18 4 5 9 18-28 17
7. Keşlə 18 3 7 8 17-27 16
8. Sabah 18 4 3 11 18-26 15
Football-plus.az Məlumatlardan yararlandıqda istinad vacibdi. ✔ Məlumatlardan internet səhifələrində yararlanarkən müvafiq keçidin qoyulması vacibdi.