Sizin reklam burada

Alesio yığmanın heyətini açıqladı

Title
Komanda AFFA-nın akademiyasında məskunlaşacaq
Avropa çempionatının seçmə qrup mərhələsi çərçivəsində martın 4-də Bakıda, 9-da isə Çoreskuda Moldova yığması ilə qarşılaşacaq futzal millimizin heyəti açıqlanıb. Baş məşqçi Joze Alesio Da Silva fevralın 25-dən Bakı İdman Sarayında təlim-məşq toplanışına başlayacaq komandanın düşərgəsinə 18 futzalçı dəvət edib: Rövşən Hüseynli, Ramiz Çovdarov, Rizvan Fərzəliyev, İsa Atayev, Xətai Bağırov, Hadi Əhmədi, Əmir Şoceyi, Fineo De Araujo (hamısı “Araz Naxçıvan”), Emin Kürdov, Tofiq Mikayılov, Samir Həmzəyev (hamısı EKOL), Oqtay Rüstəmli, Cavad Məmmədov (hər ikisi “Neftçi”), Rafael Vilela (“Palma Futsal”, İspaniya), Bonilya (“Salines Tuzla City”, Bosniya və Hersoqovina), Vassura (klubsuz), Eduardo Borges (ACCES, Fransa), Qalo (“Levante”, İspaniya).
Qeyd edək ki, Vassura, Eduardo Borges, Qalo, Bonilya və Rafael Vilela komandaya fevralın 28-dən sonra qoşulacaq. Buna səbəb həmin futzalçıların çıxış etdikləri komandaların öz çempionatlarında oyunlarının olmasıdı. Sağlıq durumunda problem olan Fineo da zədəsini sağaldaraq məşqlərə başlayıb. Bərpa prosesi keçən futzalçının qarşılaşmaya qədər hazır olacağı gözlənilir.
Milli komandamız təlim-məşq toplanışı müddətində AFFA-nın akademiyasında məskunlaşacaq.
İLKİN SULTANLI
Football-plus.az Məlumatlardan yararlandıqda istinad vacibdi. ✔ Məlumatlardan internet səhifələrində yararlanarkən müvafiq keçidin qoyulması vacibdi.