“Sabah” ukraynalı müdafiəçi transfer etdi

“Sabah” heyətini yeni futbolçuyla gücləndirib. Ukraynalı müdafiəçi Zurab Oçiqava bundan sonra paytaxt təmsilçisinin uğurları üçün çalışacaq. Klubun rəsmi saytında yer alan xəbərə görə, 25 yaşlı futbolçuyla mövsümün sonuna kimi müqavilə bağlanıb. Zurab peşəkar karyerası ərzində Ukraynanın “İliçevets” (2014-15), “Dinamo-2” (Kiyev, 2015-16), “Dinamo” (Kiyev, 2016-17), “Olimpik” (Donetsk, 2017-18), “Dnepr-1” (2018-19), “Vorskla” (2019-20) və Estoniyanın “Levadiya” (2020) klublarında çıxış edib. Ukrayna U-21 millisinin üzvü olub. Oçiqava “Sabah”da “3” nömrəli formada çıxış edəcək.