“Zəfər kuboku”nu “Səbail” qazandı

AFFA-nın təşkilatçılığı ilə ölkəmizin şanlı qələbəsi ilə yekunlaşan 44 günlük Vətən müharibəsinə həsr olunan, həmrəylik şüarı ilə keçirilən “Zəfər kuboku”na yekun vurulub. AFFA, PFL və premyer-liqa klublarının əməkdaşları arasında təşkil olunan turnirin yarımfinal qarşılaşmalarında “Səbail” “Keşlə”ni 3:1, “Qəbələ” isə “Sabah”ı 2:1 hesabı ilə məğlub edərək, finala vəsiqə qazanıb. Vətən müharibəsi iştirakçısı Kamal Umudlunun idarə etdiyi həlledici qarşılaşmanın əsas və əlavə vaxtı 1:1 hesabı ilə başa çatıb. Penalti seriyasını daha dəqiq yerinə yetirən “Səbail” “Zəfər kuboku”nun qalibi olub.
Oyundan sonra mükafatlandırma mərasimi təşkil olunub. AFFA-nın icraçı vitse-prezidenti Elxan Məmmədov qalib komandaya kubok təqdim edib.