Sizin reklam burada

UEFA yenə “Qarabağ”a sərt üzünü göstərdi

Title
UEFA “Qarabağ”ın sabiq mətbuat katibi Nurlan İbrahimovla bağlı apellyasiya şikayətinə baxıb. Qitə futbol qurumunun saytınn məlumatına görə, Azərbaycan çempionunun müraciəti rədd edilib, Nəzarət, Etika və İntizam Komitəsinin noyabrın 25-dəki qərarı təsdiqlənib.

Xatırladaq ki, UEFA Vətən müharibəsi zamanı “feysbuk” səhifəsindəki paylaşımına görə İbrahimovu futboldan ömürlük kənarlaşdırıb, “Qarabağ”ı isə 100 min avro cərimələyib.

Beləliklə, UEFA yenidən sərt üzünü “Qarabağ”a göstərdi. Bəs Ağdam təmsilçisi problemin həlli üçün İdman Arbitraj Məhkəməsinə (CAS) müraciət edəcəkmi? Suallarımızı “köhlən atlar”ın vəkili Qayə Qürur Günala ünvanlasaq da, cavabsız qaldı.

“Qarabağ”ın “Qəbələ” ilə dünənki oyunundan sonra Qurban Qurbanova belə bir sual ünvanladıq:

- UEFA Nurlan İbrahimovla bağlı apellyasiya şikayətinizi təmin etmədi. CAS-a müraciət edəcəksiz? 100 min avro yetərincə yüksək məbləğdi. Bu amil sizə təsir edəcəkmi?

"Şikayət etməyimizin faydası yoxdu. Sadəcə, mənəvi borc kimi bu addımı atmışdıq. Mənim düşüncəmə görə heç bir nəticəsi olmayacaqdı. Bu gün pulu düşünmürük. Əməkdaşımız futboldan uzaqlaşdırılıbb. Əsas təsir edən məqam budu. Belə hallar klubun adına mənfidi. Hər dəfə şikayət etdikcə bir qədər antipatiya yarana bilər deyə, narahat oluram. Cərimələr hər yerdə var. Sadəcə, kluba dəyən mənəvi zərbə bizə təsir edir. Ona görə belə addım atmışdıq. Pul yox, Nurlanın gedişi bizə daha çox təsir etdi. “Qarabağ” adını bir azərbaycanlı olaraq hər birimiz qorumalıyıq. Cərimə rəhbərlik üçün mənfi ola bilər, amma onlar da mənim kimi düşünür, əsas problem Nurlanla bağlı məsələdi”.


Görünən budu ki, Ağdam təmsilçisi yenə UEFA-nın qərarı qarşısında aciz qaldı. Belə məsələlərdə daha nüfuzlu, idman hüququnu mükəmməl bilən vəkillərin xidmətindən yararlanmaq daha yaxşı olardı.
İLKİN SULTANLI
Football-plus.az Məlumatlardan yararlandıqda istinad vacibdi. ✔ Məlumatlardan internet səhifələrində yararlanarkən müvafiq keçidin qoyulması vacibdi.