Slovakiyalı futzalçı referini günahlandırdı

Slovakiya yığmasının futzalçısı Tomaş Draxovski ölkəsinin mətbuatına açıqlama verib.

Futbol+ xəbər verir ki, O, Avropa çempionatının seçmə mərhələsinə Bakıda uğursuz start vermələrinin səbəblərini açıqlayıb.

Millimizə 1:4 hesablı məğlubiyyəti şərh edən oyunçu deyib ki, matçda daha az səhv edən komanda qalib gəlib:

"Oyunu udmaq üçün yaxşı imkanlarımız oldu, amma sonda böyük hesabla uduzduq. Fasilədə öz-özümüzə dedik ki, çox yaxşı oynayırıq, şans yaradırıq, onları qola çevirmək lazımdır. İkinci hissəyə çıxanda qarşımıza qələbə hədəfi qoymuşduq.

Referi ədalətsiz qərar verdi. Düşünürəm ki, ikinci sarı vərəqəni göstərməyə də bilərdi. Bundan sonra komanda öz oyununu itirdi. Sonradan çox çalışsaq da, məğlub olduq. Fikrimcə, bərabər səviyyəli oyun getdi. Heç-heçə daha ədalətli nəticə olardı".