“Hesabatıma baxılıb və yeni komanda formalaşdırmaq tapşırılıb”
21 yaşadək futbolçulardan ibarət milli komandanın baş məşqçisi Milan Obradoviç ölkəmizdəki işini davam etdirəcək. 43 yaşlı serbiyalı mütəxəssis yığmanın "sükanı arxasında” qalacaq. Bu qərar AFFA İcraiyyə Komitəsinin (İK) növbəti iclasında veriləcək. Koronavirus pandemiyası ilə bağlı bu il yığıncaq olmaya bilər. Məsələ burasındadı ki, AFFA-nın Nizamnaməsində İK-nın iclasının il ərzində ən azı 4 dəfə keçirilməsi göstərilib. Başa çatmaqda olan 2020-də isə qurum üzvləri artıq 8 dəfə yığışıb. Yəni toplantı bu il olmasa, Nizamnamə pozulmayacaq.
Obradoviçlə yeni müqavilənin müddətinə gəlincə, əməkdaşlıq qarşıdakı 2 ili əhatə edəcək və 2022-nin sonuna qədər davam edəcək. Xəbəri dəqiqləşdirmək üçün AFFA-nın Mətbuat və İctimaiyyətlə Əlaqələr Departamentinin rəhbəri Firuz Abdulla ilə əlaqə saxladıq: “Baş məşqçinin müqaviləsinin şərtində qeyd olunub ki, hər iki tərəf razı olarsa, müddət artırıla bilər. Federasiya rəsmiləri ilə görüşdən sonra qərara gəlinib ki, bundan istifadə olunsun. Onun yığmadakı fəaliyyəti qənəatbəxş sayılıb. Bu səbəbdən də belə qərar verildi”.
Məsələ ilə bağlı Milan Obradoviçin də fikirlərini öyrəndik. Serbiyalı mütəxəssis yeni müqavilə bağlaması ilə bağlı bunları dedi: “Hazırda vətənimdəyəm. Koronavirus pandemiyası səbəbindən ölkəmə qayıtmışam. Azərbaycanda bu infeksiya geniş vüsət alıb. Birmüddətlik ordan getmişəm. Həm də ailə üzvlərimdən biri özünü yaxşı hiss etmirdi. Onun üçün çox narahat idim. İndi hər şey qaydasındadı, özünü yaxşı huss edir. 3-4 həftəliyə Serbiyaya gəlmişəm. Həm də yeni ilə görə istirahət edəcəm. Ailəm, doğmalarım ilə birgə olmaq istəyirəm. Onlarla vaxt keçirmək niyyətindəyəm. Yanvarın 15-də Bakıya qayıdacam və federasiya rəsmiləri ilə görüşüm olacaq. İlkin mərhələdə yeni müqavilə imzalanması razılaşdırılıb. Hesabatıma baxılıb və yeni komanda formalaşdırmaq tapşırılıb. Konkret hədəflər barədə nəsə demək tezdi. Hər şey yeni ildə - yanvarın 15-də tam dəqiqləşəcək. Ümid edirəm ki, daha yaxşı işlər görə biləcəyik. Qarşımıza qoyulacaq tapşırığı yerinə yetirmək niyyətindəyəm. Bu məsələlər hələ tam bilinmir. Ümumi dəyərləndirmədən və görüşdən sonra hər şey bəlli olacaq”.
Qeyd edək ki, U-21-lər arasında Avropa çempionatının seçmə mərhələsinin püşkatması gələn il yanvarın 28-də olacaq. Yeni seçmə mərhələdə matçlar isə bundan 2 ay sonra - martda başlayacaq.
Obradoviçin taleyinə demək olar ki, aydınlıq gəldi. Bəs başqaları? 17 yaşlılardan ibarət yığmanın baş məşqçisi Miloş Velebitlə U-19-un çalışdırıcısı Samir Əliyevin də müqaviləsinin müddəti uzadılacaqmı? Firuz Abdullanın cavabı belə oldu: “Onların müqaviləsinin müddəti hələ bitməyib. Sazişlər gələn il başa çatacaq. Bu barədə yekun müzakirə yanvarın 15-də aparıla bilər. Hələlik onların müqavilələri qüvvədədi və yığmaların baş məşqçiləri kimi fəaliyyət göstərirlər”.
İLKİN SULTANLI

Son xəbərlər

Yunan-Roma güləşində yeni rekord

"Barselona"nın futbolçusu "Mançester Yunayted"də

"Qarabağ"ın səhmləri satışa çıxarıldı

Millimiz Andorraya uduzdu

"Qarabağ" ikinci yoldaşlıq oyununda da bərabərə qaldı - YENİLƏNİB

Güləşçilərimiz Avropa çempionatında daha 2 medal qazandı

Paralimpiyaçılarımızdan daha 4 medal

Güləşçimiz Avropa çempionatının finalında

"Çelsi" Rafinyanı transfer edir

Gənclər və İdman Nazirliyində kollegiya iclası keçirilib

"İstədiyimiz oyunçuların komandaya qoşulacağına inanıram" - Elmar Baxşıyev

"Qalatasaray" məşhur hücumçunu transfer edir

"Barselona" Levandovski üçün israrlıdı - Məbləği artırdı

"Qarabağ"ın oyunundan fotolar

"Zirə" məğlub oldu - YENİLƏNDİ

Lanqle İngiltərəyə gedə bilər

Region Kubokunun qalibi bəlli oldu - YENİLƏNDİ

"Qəbələ"nin sabiq üzvünün yeni klubu bəlli oldu

“Turan Tovuz” üçün şad xəbər: 1-i gəldi, 3-ü yoldadı

"Sumqayıt"da "yarpaq tökümü" davam edir: bu dəfə idman direktoru getdi

"Neftçi" ilə 2 illik müqaviləyə imza atan Regekampf indi də ...

"Cavab matçını evdə keçirməyimiz yaxşıdı" - Veşoviç

"Qarabağ" Almaniya klubu ilə bacarmadı - YENİLƏNİR

"Lex" heyətini gücləndirdi

"Turan Tovuz" "Neftçi"dən bu futbolçunu icarəyə götürdü

Portuqaliya Azərbaycana rəqib oldu

Baş məşqçi israr edir, Türkiyə klubu Ovusudan əl çəkmir

Transfer dosyesi - YENİLƏNİR

"Sabah"ın daha bir üzvü "Turan Tovuz"da

"Tam hazır olmasaq belə, döyüşəcəyik" - "Aris"in baş məşqçisi

Polad Həşimovun xatirəsinə həsr olunan ölkə birinciliyi başa çatıb

"Qarabağ"ın rəqibində gərginlik: baş məşqçi narazıdı

Kişilərdən ibarət milli komanda təlim-məşqlərə start verdi

"Neftçi" Türkiyədə 3 yoxlama oyunu keçirəcək

"Sabah"ın üzvü "Turan Tovuz"da - RƏSMİ

“Qəbələ”nin rəqibi təcrübəli hücumçusunu itirdi

"Sabah" qapıçı problemini necə həll edəcək? - AÇIQLAMA

"Bu hazırlığın faydasını gələcək oyunlarda görəcəyik" - Millinin baş məşqçisi

Krivotsyuk "Visla"ya lazım olmadı

Mahir Emreli oyunundan narazıdı

"Qarabağ"ın rəqibinin ilk qələbəsi

Azərbaycan Maltaya uduzdu

Mahir Emreli fərqləndi, "Dinamo" darmadağına sevindi - VİDEO

''Yuventus'' Türkiyə yığmasının forvardı ilə maraqlanır

Favr “Nitsa”ya qayıtdı, Qaltye isə Parisə yollanır

Bütün xəbərlər