Dekabrın 15-də AFFA İntizam Komitəsinin iclası keçirilib. Birinci divizionun 10-cu turunun qarşılaşmalarında qeydə alınan qayda pozuntuları müzakirə edilib, müvafiq qərarlar qəbul olunub.
“Qaradağ Lökbatan” – “Qarabağ-2” oyununda təcili tibbi yardım vaxtında gəlmədiyi üçün görüş gec başlayıb ki, bu səbəbdən meydan sahibi klub 160 manat cərimələnib.
“Kəpəz” – “Sabah-2” qarşılaşmasında meydan sahiblərinin futbolçusu Əli Səmədov qeyri-idman hərəkətinə görə ikinci sarı vərəqə ilə meydandan kənarlaşdırıldığından 1 oyun cəzalanıb, klub 20 manat ziyana düşüb.
“Neftçi-2” – “Zaqatala” görüşündə 6 futbolçusu sarı vərəqə ilə cəzalandırılan bölgə təmsilçisi 80 manat cərimələnib.
Beləliklə, klublara ümumilikdə 260 manat cərimə kəsilib. Nəticədə mövsümün əvvəlindən cərimə sanksiyaları üzrə nəzərdə tutulan məbləğ 36 min 840 manata çatıb.