Sizin reklam burada

AFFA Qırtımovu bağışlamadı

Title

Apellyasiya Arbitraj Tribunalının iclası keçirilib. Dekabrın 11-də baş tutan toplantıda üç klubun şikayətinə baxılıb və aşağıdakı qərarlar qəbul olunub:
Keşlə
1. “Keşlə” tərəfindən verilən apellyasiya şikayəti təmin edilməsin.
2. AFFA İntizam Komitəsinin 1 dekabr 2020-ci il tarixli qərarı ilə 29.11.2020-ci ildə premyer-liqanın 11-ci turunun “Keşlə” – “Sabah” oyununda meydan sahiblərinin futbolçusu İlkin Qırtımovun qeyri-idman hərəkətinə görə ikinci sarı vərəqə aldıqdan sonra hakimlər briqadasını təhqir etdiyi üçün 4 oyun cəzalandırılması, klubun 3200 manat cərimə olunması qərarı qüvvədə saxlanılsın.
Neftçi
1. “Neftçi” tərəfindən verilən apellyasiya şikayəti qismən təmin edilsin.
2. AFFA İntizam Komitəsinin 1 dekabr 2020-ci il tarixli qərarı ilə 26.11.2020-ci ildə birinci divizionun 7-ci turunun “Neftçi-2” – “Qaradağ Lökbatan” oyununun 81-ci dəqiqəsində meydan sahiblərinin futbolçusu Famil Camalovun aqressiv hərəkətə görə birbaşa qırmızı vərəqə ilə meydandan kənarlaşdırıldığı üçün cəzalandırıldığı oyun sayı (4) ikiyə endirilsin. Klubun 320 manat cərimə olunması qərarı qüvvədə saxlanılsın.
Kəpəz
1. “Kəpəz” tərəfindən verilən apellyasiya şikayəti qismən təmin edilsin.
2. AFFA İntizam Komitəsinin 1 dekabr 2020-ci il tarixli qərarı ilə 26.11.2020-ci ildə birinci divizionun 7-ci turunun “Kəpəz” – “Turan Tovuz” oyununda qonaqların baş məşqçisi Yaşar Vahabzadənin cəzalandırıldığı oyun sayı (5) ikiyə endirilməklə qalan görüşlərdə şərti olaraq cəzadan azad edilsin. Klubun 400 manat cərimə olunması qərarı qüvvədə saxlanılsın.
Football-plus.az Məlumatlardan yararlandıqda istinad vacibdi. ✔ Məlumatlardan internet səhifələrində yararlanarkən müvafiq keçidin qoyulması vacibdi.