Sizin reklam burada

Qurban Qurbanovla Rəşad Sadıqov qələbə sevincini bölüşdü

Baxış Sayı:291

Qurban Qurbanovla Rəşad Sadıqov qələbə sevincini bölüşdü

“Qarabağ”ın baş məşqçisi Qurban Qurbanov Qarabağın Ermənistanın işğalından azad olunması ilə bağlı açıqlama verib. Klubun mətbuat xidmətinə danışan mütəxəssis qələbəylə bağlı hisslərini ifadə edib: “Bütün fikrimiz ordudan gələn xəbərlərdə idi. Hər birimizin illərdi gözlədiyi xəbər dünən cənab Ali Baş Komandamız tərəfindən verildi. Hər zaman komandama hansı şəhəri təmsil etdiyimizi, hansı adı daşıdıqlarının məsuliyyətini izah edirdim. Bundan sonra işğal haqda yox, bu zəfərdən danışacam. Şükürlər olsun ki, ordumuzun şücaəti nəticəsində artıq torpaqlarımız düşmən işğalından qurtuldu, inanıram ki, məcburi köçkünlərimiz tezlikdə öz evlərinə qayıdacaq. Həmin şəhərlərimizdə oynayacağımız günü səbirsizliklə gözləyirəm. Allah şəhidlərimizə rəhmət etsin. Allah şəhid analarımıza səbr versin. Gözün aydın olsun, Azərbaycan”.
"Zirə"nin baş məşqçisi Rəşad Sadıqov da klubun mətbuat xidmətinə Dağlıq Qarabağ münaqişəsinin Azərbaycanın qələbəsi ilə bitməsi barədə danışıb: “Bütün Azərbaycan xalqını, dövlətimizi, ordumuzu ürəkdən təbrik edirəm. Yaşadığım hissləri sözlə ifadə edə bilmirəm. Uzun illər idi işğal altındakı torpaqlarımızın azad olunması arzusu ilə yaşayırdıq. Allaha şükür, bu günləri yaşayırıq. Başda Ali Baş Komandan İlham Əliyev olmaqla, ordumuzu ürəkdən təbrik edirəm. Bu günləri bizə yaşatdığına görə onlara təşəkkür edirəm. Onlarla fəxr edirik. Şəhidlərimizə Allahdan rəhmət, ailələrinə səbr diləyirəm. Yaralılarımıza Allah şəfa versin. Bir daha bütün Azərbaycan xalqını bu zəfər münasibətilə ürəkdən təbrik edirəm. İşğaldan azad olunan torpaqlarımıza ayaq basmağımızı, orda zaman keçirməyimizi səbirsizliklə gözləyirəm".

Oxşar xəbərlər
SON XƏBƏRLƏR