Avqustun 9-da Çempionlar Liqasında 2020/21 mövsümünün 1-ci təsnifat mərhələsinin püşkü atılıb. Qitə futbol qurumu püşkatma ərəfəsində 34 iştirakçını 5 qrupa ayırmışdı. Bunlardan üçündə 6, ikisində 8 iştirakçı yer almışdı. Azərbaycan çempionu “Qarabağ” 4-cü qrupda “səpələnmiş” 4 komandadan biri idi. Ağdamlılar “səpələnməmişlərdən” biri ilə üz-üzə gələcəkdi ki, Qurban Qurbanovun yetirmələrinin mümkün rəqibləri “Dinamo” (Brest/ Belarus), “Riqa” (Latviya), “Tirana” (Albaniya) və “Sileks” (Şimali Makedoniya) idi.
İsveçrənin Nyon şəhərində atılan püşkdə “Qarabağ”ın bəxtinə “Sileks” düşdü. Bir oyundan ibarət olacaq 1-ci təsnifat mərhələsinin görüşləri avqustun 18-19-da keçiriləcək. Meydan sahibi olacaq komanda püşk vasitəsilə müəyyənləşib. “Qarabağ” ilk mərhələdə ev sahibi olacaq. Onu da bildirək ki, "Sileks" ölkəsinin vitse-çempionudu. Çempion "Vardar" lisenziya probleminə görə UEFA yarışlarına buraxılmadığından, "Sileks" ölkəsini təmsil etmək hüququ qazanıb. Püşkün “köhlən atlar”ın üzünə güldüyünü deyə bilərik. Hər halda, Şimali Makedoniya təmsilçisi “Dinamo”, “Riqa” və “Tirana” ilə müqayisədə səviyyəsinə görə daha zəifdi.
Çempionlar Liqası
2020/21 mövsümü
1-ci təsnifat mərhələsi
1-ci qrup
“Ferentsvaroş” (Macarıstan) - “Yurqorden” (İsveç)
“Seltik” (Şotlandiya) - “Reykyavik” (İslandiya)
“Legiya” (Polşa) - ilkin mərhələnin qalibi (bu gün keçiriləcək “Drita” – “Linfild” oyununda müəyyənləşəcək)
2-ci qrup
“Şerif” (Moldova) - “Fola” (Lüksemburq)
“Konna Kuey” (Uels) - “Sarayevo” (Bosniya və Hersoqovina)
“Srvena Zvezda” (Serbiya) - “Europa” (Cəbəllütariq)
3-cü qrup
“Buduçnost” (Monteneqro) - “Ludoqorets” (Bolqarıstan)
“Ararat” (Ermənistan) - “Omoniya” ( Cənibi Kipr)
“Floriana” (Malta) - ÇFR (Rumıniya)
4-cü qrup
“Makkabi” (Təl-Əviv/İsrail) - “Riqa” (Latviya)
“QARABAĞ” (AZƏRBAYCAN) - “Sileks” (Şimali Makedoniya)
“Dinamo” (Tiflis/Gürcüstan) - “Tirana” (Albaniya)
“Dinamo” (Brest/Belarus) - “Astana” (Qazaxıstan)
5-ci qrup
“Molde” (Norveç) - “KuPS” (Finlandiya)
“Flora” (Estoniya) - “Suduva” (Litva)
“Tselye” (Sloveniya) - “Dandolk” (İrlandiya)
“Klaksvik” (Farer adaları) - “Slovan” (Slovakiya)
Yeri gəlmişkən, “Qarabağ”ın Çempionlar Liqasının ikinci təsnifat mərhələsindəki potensial rəqibləri müəyyənləşib. “Köhlən atlar” ilk mərhələdə “Sileks”i mübarizədən kənarlaşdırsa, 2-ci təsnifat mərhələsində "Şerif" (Moldova) - "Fola" (Lüksemburq) cütünün qalibiylə görüşəcək. Xatırladaq ki, "Qarabağ" bu cütün favoriti sayılan "Şerif"i iki il ardıcıl Çempionlar Liqasında (evdə 0:0, səfərdə 2:1) və Avropa Liqasında (səfərdə 0:1, evdə 3:0) mübarizədən kənarlaşdırıb.
Onu da qeyd edək ki, püşkə əsasən ağdamlılar ikinci təsnifat mərhələsinin oyununu da “doğma divarlar” arasında keçirəcək. Bu mərhələnin matçları isə avqustun 25-26-da baş tutacaq. Yeni qaydalara əsasən, pley-offa qədər bütün mərhələlər bir oyundan ibarət olacaq.
2-ci təsnifat mərhələsi
Çempionlar yolu
“Floriana” (Malta)/ÇFR (Rumıniya) cütünün qalibi - “Dinamo” (Zaqreb, Xorvatiya)
“Yanq Boyz” (İsveçrə) - “Klaksvik” (Farer adaları)/“Slovan” (Slovakiya) cütünün qalibi
“Seltik” (Şotlandiya)/“Reykyavik” (İslandiya) cütünün qalibi - “Ferentsvaroş” (Macarıstan)/ "Yurqorden" (İsveç) cütünün qalibi
“Flora” (Estoniya)/“Suduva” (Litva) cütünün qalibi - “Makkabi” (Təl-Əviv/İsrail)/“Riqa” (Latviya) cütünün qalibi
“Legiya” (Polşa)/“Drita” (Kosovo)/“Linfild” (Şimali İrlandiya) cütünün qalibi - “Ararat” (Ermənistan)/“Omoniya” (Kipr) cütünün qalibi
"Tselye" (Sloveniya)/“Dandolk” (İrlandiya) cütünün qalibi - “Molde” (Norveç)/“KuPS” (Finlandiya) cütünün qalibi
“Buduçnost” (Monteneqro)/“Ludoqorets” (Bolqarıstan) cütünün qalibi - “Midtülland” (Danimarka)
“Dinamo” (Brest/Belarus)/“Astana” (Qazaxıstan) cütünün qalibi - “Konna Kuey” (Uels)/“Sarayevo” (Bosniya və Hersoqovina) cütünün qalibi
“QARABAĞ”(AZƏRBAYCAN/“Sileks” (Şimali Makedoniya) cütünün qalibi - “Şerif” (Moldova)/"Fola" (Lüksemburq) cütünün qalibi
“Dinamo” (Tiflis/Gürcüstan)/"Tirana" (Albaniya) cütünün qalibi - “Srvena Zvezda” (Serbiya)/“Europa” (Cəbəllütariq) cütünün qalibi
Liqa yolu
“Alkmaar” (Niderland) - “Viktoriya” (Çexiya)
PAOK (Yunanıstan) - “Beşiktaş” (Türkiyə)
“Lokomotiv” (Zaqreb/Xorvatiya) - “Rapid” (Vyana, Avstriya)
Avropa Liqası
Dünən isə Avropa Liqasının birinci təsnifat mərhələsində mübarizə aparacaq "Neftçi", "Keşlə" və "Sumqayıt"ın rəqibləri müəyyənləşib. Premyer-liqanın gümüş mükafatçısı “Neftçi” Şimali Makedoniya "Şkupi”si ilə üz-üzə gələcək. “Ağ-qaralar” bir oyundan ibarət mərhələnin görüşünü Bakıda keçirəcək.
Ötən mövsümün bürünc mükafatçısı “Keşlə”yə Albaniya "Laçi”si rəqib olub. Bu cütün oyunu da paytaxtda baş tutacaq. Avrokubokların debütantı “Sumqayıt”ın bəxtinə isə Şimali Makedoniya "Şkendiya"sı düşüb. “Gənclik şəhəri” təmsilçisi debüt matçını evdə keçirəcək. 1-ci təsnifat mərhələsinin qarşılaşmaları avqustun 27-də oynanılacaq.
Avropa Liqası
1-ci təsnifat mərhələsi
"Maribor" (Sloveniya) - “Kolreyn” (Şimali İrlandiya)/“Fiorita” (San Marino) cütünün qalibi
“Riterlay” (Litva) - “Derri Siti” (İrlandiya)
“Zrinski” (Bosniya və Hersoqovina) - “Differdanj” (Lüksemburq)
“Rusenborq” (Norveç) - “Breydablik” (İslandiya)
“Hammarbü” (İsveç) - “Puşkaş Akademi” (Macarıstan)
“Ventspils” (Latviya) - “Dinamo-Avto” (Moldova)
“Orxus” (Danimarka) - “Honka” (Finlandiya)
“Nyu Seynts” (Uels) - "Jilina" (Slovakiya)
“NEFTÇİ”(AZƏRBAYCAN) - “Şkupi” (Şimali Makedoniya)
“Nımme Kalyu” (Estoniya) - "Mura" (Sloveniya)
“Apollon” (Cənubi Kipr) - “Saburtalo” (Gürcüstan)
“Partizan” (Serbiya) - RFS (Latviya)
FKBS (Rumıniya) - "Şirak" (Ermənistan)
"Olimpiya" (Sloveniya) - “Vikinqur” (İslandiya)
“Jalgiris” (Vilnüs, Litva) - “Payde” (Estoniya)
“Valletta” (Malta) - “Bala Taun” (Uels)
"Aberdin" (Şotlandiya) - “Runavik” (Farer adaları)/“Barri Taun” (Uels) cütünün qalibi
“Malmö” (İsveç) - “Krakoviya” (Polşa)
“Şaxtyor” (Belarus) - “Sfantul” (Moldova)
“Şemrok Rovers” (İrlandiya) - “İlves” (Finlandiya)
“Vaduts” (Lixtenşteyn) - “Hibernians” (Malta)
“KEŞLƏ” (AZƏRBAYCAN) - "Laçi" (Albaniya)
"Bode Qlimt" (Norveç) - Jalgiris” (Kauno/Litva)
“Makkabi” (Hayfa/İsrail) - “Jelezniçar” (Bosniya və Hersoqovina)
"Lex" (Polşa) - “Valmiera” (Latviya)
“Proqress” (Lüksemburq) - “Enqordan” (Andorra)/“Zeta” (Monteneqro) cütünün qalibi
“Sent Cozefs” (Cəbəllütariq)/B-36 Torshavn (Farer adaları) cütünün qalibi - “Levadiya” (Estoniya)
“Honved” (Macarıstan) - “İnter” (Finlandiya)
“Linkoln” (Cəbəllütariq)/“Priştina” (Kosovo) cütünün qalibi - “Union” (Lüksemburq)
“Motervell” (Şotlandiya) - “Qlentoran” (Şimali İrlandiya)/“Torshavn” (Farer adaları) cütünün qalibi
"Kukesi" (Albaniya) - "Slaviya" (Bolqarıstan)
“Dinamo” (Minsk/Belarus) - "Pyast" (Polşa)
“Hafnarfyordur” (İslandiya) - "Dunayska Streda" (Slovakiya)
“Servett” (İsveçrə) - "Rujomberok" (Slovakiya)
"Hapoel" (Beer-Şeva/İsrail) - “Dinamo” (Batumi/Gürcüstan)
“Fehervar” (Macarıstan) - “Bohemians” (İrlandiya)
"Alaşkert" (Ermənistan) - “Renova” (Şimali Makedoniya)
“Ordabası” (Qazaxıstan) - "Botoşani" (Rumıniya)
ÇSKA (Bolqarıstan) - “Sirens” (Malta)
“Petrokub” (Moldova) - “Topola” (Serbiya)
“Teuta” (Şimali Makedoniya) - "Beytar" (İsrail)
“SUMQAYIT” (AZƏRBAYCAN) - “Şkendiya” (Şimali Makedoniya)
“Borats” (Bosniya və Hersoqovina) - "Sutyeska" (Monteneqro)
“Kayrat” (Qazaxıstan) - "Noa" (Ermənistan)
“Santa Koloma” (Andorra)/“İskra” (Monteneqro) cütünün qalibi - “Lokomotiv” (Plovdiv/Bolqarıstan)
“Lokomotivi” (Gürcüstan) - “Universitatya” (Rumıniya)
“Tre Penne” (San Marino)/“Qjilani” (Kosovo) cütünün qalibi - APOEL (Cənubi Kipr)
Reaksiyalar
Ayxan Abbasov (“Sumqayıt”ın baş məşqçisi): “Tariximizdə ilk dəfə qatılacağımız Avropa Liqasındakı rəqibimizin kimliyini səbirsizliklə gözləyirdik. Dünən axşam məlum olan dörd potensial rəqibi, demək olar ki, təhlil etmişdik. Onların hamısı öz liqalarının güclü klublarından idi. Püşkün nəticəsinə görə Şimali Makedoniya “Şkendiya”sını qəbul edəcəyik. Rəqibimiz ötən mövsüm çempionatı 3-cü pillədə bitirib. Olduqca güclü heyətə malikdilər. Rəqibin heyətinə nəzər yetirsək, görərik ki, ötən mövsümün ikinci bombardiri də məhz bu komandanın üzvüdü. Şimali Makedoniya təmsilçisinin ən böyük üstünlüyü isə “Sumqayıt”la qarşılaşmaya qədər çempionatda 3 tur oynaması olacaq. Avropa Liqasında Azərbaycanın adını layiqincə təmsil etmək üçün əlimizdən gələni etməyə çalışacağıq”.
Zaur İsmayılov (“Keşlə”nin baş məşqçi əvəzi): “Seçiləsi rəqib yox idi, bütün rəqiblər çətindi. Avroliqa təcrübəmiz də göstərir ki, bütün komandalara qarşı ciddi hazırlaşmaq lazımdı. Çox ciddi hazırlaşmalıyıq. “Laçi “ilə 5 il öncə üz-üzə gəlmişik, iki oyunun nəticəsinə görə onları keçmişik. Artıq bu komandanı təhlil etməyə başlamışıq. Bilirik ki, yaxşı legionerləri var, hücum xətti güclüdü".
Füzuli Məmmədov: “Əsas istəyim oyunun Bakıda keçirilməsi idi. Rəqibin kimliyi o qədər də vacib deyildi. Əsas məsələ doğma meydanda qarşılaşmağımız idi. İstər-istəməz Bakının havası rəqib olacaq. Futbolçularımız doğma meydanda çıxış edəndə daha istəkli oynayırlar. Ümid edirəm ki, futbolçularımız istədiyim səviyyədə, gözlədiyim kimi mübarizə aparacaqlar. Belə olacağı təqdirdə istəyimizə çatacağıq. İndi əsas işimiz “Şkupi”ni detallı şəkildə təhlil etmək və zəif nöqtələrini öyrənmək olacaq”.
Muarem Bayrami (“Şkupi”nin futbolçusu): “Dörd komandamızdan üçü Azərbaycana gedir. Biz – “Şkupi”, “Şkendiya” və “Sileks” özümüzə rəqib seçmək imkanına malik olsaydıq, belə seçim etməzdik. Bu, bizim qismətdi. “Neftçi” evdə oynadığı üçün üstünlüyə malik ola bilər. Amma biz də öz şansımızı axtaracağıq. Əmin olun ki, burda heç bir tapmaca yoxdu. Oyunun keçiriləcəyi günə kifayət qədər vaxt var. Yaxşı hazırlaşmaq, rəqibi təhlil etmək olar. “Reyncers” və “Pünik”lə son illərdəki oyunlarda uduzsaq da, yaxşı oynamağı bacardığımızı göstərdik. Mən yalnız gərgin mübarizə vəd edə bilərəm. Ümid edirəm ki, Makedoniya futbolunu Avropada layiqincə təmsil edəcəyik”.