Sizin reklam burada

Meza Kolli iyulun sonunda gəlməlidi

Title
Meza Kolli iyulun sonunda gəlməlidi
Avroliqaya hazırlaşan “Keşlə” “təmizlik” işlərini başa vurandan sonra diqqətini komandanın gücləndirilməsinə yönəldib. Bu yöndə müəyyən işlər görülüb ki, Cavid İmamverdiyev, Rəhman Hacıyev, Tural Axundov və Şəhriyar Əliyev komandaya cəlb olunub. Tərlan Əhmədovun əlindəki siyahıda daha bir neçə əcnəbinin adı var ki, hazırda onların Bakıya gəlməsi üçün işlər görülür.
Ən vacib tapşırıq isə Sezar Meza Kollinin məsələsini yoluna qoymaqdı. Ötən mövsüm icarə əsasında “qırmızılar”ın uğurları üçün tər tökən və oyunu ilə komanda üçün nə dərəcədə önəmli fiqur olduğunu göstərən paraqvaylı yarımmüdafiəçi Rumıniya “Universitatya”sına məxsusdu. “Keşlə” “10 nömrə”nin xidmətindən yararlanmaq üçün həm Sezarın müqavilə ilə məxsus olduğu klubun, həm də səbəbkarın razılığını almalıdı. Bu yöndə xeyli vaxtdı danışıqlar aparılsa da, yekun nəticə hasil olmayıb. Meza Kollinin özü isə bir müddət öncə Paraqvaya yollanıb və hələ də ordadı.
Bu mövzuda yenilik olub-olmadığını öyrənmək üçün bakılıların mətbuat katibi Murad Axundovu aradıq: “Bu məsələ hələ açıq qalıb. Bəli, futbolçu hazırda vətəni Paraqvaydadı. Bununla bağlı Tərlan Əhmədov mətbuata açıqlama vermiş, ortaya gözlənilməz əngəl çıxmayacağı halda Sezarın toplanışın ikinci hissəsində komandaya qoşulacağını demişdi. Həmin açıqlamadan sonra yenilik yoxdu. Dediyim kimi, qeyri-adi hal yaşanmasa, ayın sonunda düşərgədə olacaq”.
Football-plus.az Məlumatlardan yararlandıqda istinad vacibdi. ✔ Məlumatlardan internet səhifələrində yararlanarkən müvafiq keçidin qoyulması vacibdi.