Sizin reklam burada

UEFA ilkin təsdiq cavabı göndərdi

Baxış Sayı:524


Xəbər verdiyimiz kimi, AFFA İcraiyyə Komitəsinin 2020-ci il iyunun 18-də keçirilən iclasında Azərbaycan premyer-liqası ilə bağlı aşağıdakı qərar qəbul olunub: “COVID-19 qlobal pandemiyası ilə əlaqədar yaranmış mövcud vəziyyət, infeksiyanın yoluxma statistikasının yüksəlməsi, ölkə ərazisində karantin rejiminin 2020-ci il iyulun 1-dək uzadılması ilə bağlı klubların məşq keçməsi üçün vaxt azlığı, klubların ehtimal olunan maliyyə çətinliyi, pandemiya dövründə Nazirlər Kabineti yanında Operativ Qərargahın qəbul etdiyi müvafiq qərarlar və verilən tövsiyələr və ən əsası, futbolçuların, məşqçilərin və Azərbaycan premyer-liqasında oyunların təşkilində bu və ya digər şəkildə iştirak edən şəxslərin sağlamlığının qorunması nəzərə alınaraq, 2019/20 mövsümü üçün Azərbaycan premyer-liqası və ölkə kuboku uğrunda yarış dayandırılsın. Mövsümün qalibi və UEFA-nın klub yarışlarında iştirak edəcək komandalar hazırkı turnir cədvəlinə uyğun olaraq müəyyənləşdirilsin”.
Bu qərar AFFA tərəfindən UEFA-ya göndərilib və aşağıda göstərilən klubların UEFA-nın müvafiq klub yarışlarında iştirakı ilə bağlı ilkin təsdiq cavabı AFFA-ya daxil olub:
"Qarabağ" - Çempionlar Liqası
"Neftçi" - Avropa Liqası
"Keşlə" - Avropa Liqası
"Sumqayıt" - Avropa Liqası
Adı çəkilən klubların UEFA-nın klub turnirlərində iştirakı ilə bağlı yekun təsdiq qərarı klubların müvafiq sifariş ərizələri Avropa futbol qurumuna göndəriləndən sonra qəbul olunacaq.

Oxşar xəbərlər
SON XƏBƏRLƏR