Sizin reklam burada

Karlsen bizimkiləri “görmür”

Baxış Sayı:265


Dünya çempionu Maqnus Karlsen 5 turnirdən ibarət onlayn-şahmat turunun növbəti seriyalarını təşkil edəcək. Mükafat fondu 1 milyon dollar olan turun ikinci mərhələsində 12 şahmatçı mübarizə aparacaq. "Lindores Abbey Rapid Challange" mərhələsi mayın 19-dan iyunun 3-dək davam edəcək. Karlsen bu dəfə də yığmamızın üzvlərinə dəvət göndərməyib. Yarışa norveçli ilə yanaşı, Dinq Liren, Vey Yi, Yuy Yanyi (hamısı Çin), Hikaru Nakamura, Uesli So (hər ikisi ABŞ), Yan-Kşiştof Duda (Polşa), Alireza Firuzca (İran), Aleksandr Qrişuk, Sergey Karyakin, Daniil Dubov (hamısı Rusiya) və Levon Aronyan (Ermənistan) qatılacaq. İştirakçılar 3 gün ərzində rapid üzrə dairəvi sistemlə 11 turda güclərini sınayacaqlar. Ən yaxşı 8 şahmatçı pley-offa vəsiqə qazanacaq. Burda 3 qələbə qazanan növbəti tura adlayacaq. Sonra "Online Chess Masters" (20 iyun - 5 iyul) və "Legends of Chess" (21 iyul - 5 avqust) turnirləri təşkil olunacaq. Hər 3 yarışın mükafat fondu 150 min dollarıdı. Tura avqustun 9-23-ü aralığında təşkil olunacaq, mükafat fondu 300 min dollar olan "Grandfinal"lə yekun vurulacaq.
Qeyd edək ki, seriyanın ilk turniri ("Magnus Carlsen İnvitational") mayda yekunlaşıb. Karlsen 250 min dollar mükafat fonduna malik yarışın finalında Nakamuranı məğlub edib.

Oxşar xəbərlər
SON XƏBƏRLƏR