2015-ci ildən "Qarabağ"ın şərəfini qoruyan Miçel “Elcomercio” nəşrinə müsahibə verib. İspan yarımmüdafiəçi öncə karyerasını vərəqləyib: "Birmingem"də olarkən çox gənc idim. Yunanıstanda daha çox iş gördüm. İsraildə yaxşı təcrübə topladığımı düşünürəm. İndi isə Azərbaycandayam. Bu, ən yaxşı şəxsi məqamlarımdan biridi. Artıq 5 ildi Azərbaycandayam və "Qarabağ"la daha 1 illik müqaviləm var. Hazırda çempionatda liderik və yenidən Çempionlar Liqasında mübarizə aparmağa çalışırıq. Amma burda qrupa düşmək daha çətindi. Çünki bunun üçün 4 mərhələ keçməlisən... Etiraf edim ki, "Sportinq"in stadionu "El Molinon"da son dəfə oynamaq arzum var. “Sportinq” ikinci evimdi, mənə hər şeyi verib. İstədiyim və həmişə istəyəcəyim klubdu. Çox yerdə oynamışam, amma o mühitin istiliyi ilə başqa bir meydanda hərəkət etdiyimi xatırlamıram. 2017/18 mövsümündə “Real"ı məğlub etdik. Başıma gələn ən inanılmaz şeylər həmin mövsümdə oldu".
Milli komandamızdan təklif alıb-almadığına isə Miçelin cavabı belə olub: "Belə bir şey oxudum, amma yalandı. Heç vaxt “milliləşdirmə” ilə bağlı təklif olmayıb. Hazırda "Sportinq"ə qayıtmaq ehtimalım da yoxdu. Ancaq istərdim. Peşəkar karyerama bu klubda başlamışam. Oynadığım klublara görə peşman deyiləm, hamısına minnətdaram".