Sizin reklam burada

Tahir Süleymanov hakim səhvinə siyasi şərh verdi

Baxış Sayı:406


“Bu, hakim səhvi deyildi, 3 xalın macarlara qaytarılması idi”
Yığmanın macarlarla qarşılaşmasında Dennis Hiqlerin üzərinə böyük yük düşmədi. Oyuna meydan sahibləri nəzarət edirdi, gərginlik yüksək səviyyəyə çatmamışdı deyə, Hollandiyadan olan hakimlər briqadası üçün rahat nəfəs almaq çətin deyildi. Baş hakim epizodlara yaxın olmaqla hadisələri nəzarətində saxlayırdı.
Son dəqiqələrə qədər “ip”i əlində saxlamağı bacarmışdı. Lakin Bəhlul Mustafazadənin qaydalar çərçivəsində vurduğu qolu qaydanın pozulduğunu əsas gətirib qeydə almamaqla oyuna “möhür” vurmuş oldu. Yekun nəticəyə təsir edən səhvə yol verən Hiqlerin hansı cəzaya məruz qalacağını aidiyyatı qurumların qərarı göstərəcək.
Biz isə 90 dəqiqədəki idarəçiliklə bağlı beynəlxalq dərəcəli hakim, öz mövqeyini ortaya qoyması ilə seçilən Tahir Süleymanovun fikirlərini öyrəndik. Tahir bəy həmin qərarın adi yox, siyasi səhv olduğunu faktla göstərdi: “Oyun elə cərəyan edirdi ki, hakimə ciddi ehtiyac duyulmurdu. Gördüyünüz kimi, oyunboyu mübahisə doğuracaq epizodlar yaşanmadı. Sadəcə, hakim kimi işini görürdü: qayda pozuntularını qeydə alır, vərəqələr göstərirdi. Belə oyunlarda bir qərar nəticəni həll edir. Necə ki etdi də. Macarıstan – Slovakiya oyununda meydan sahiblərini ”sıxmışdılar”. Macarlar çox böyük hakim haqsızlığı ilə üzləşmişdilər. Kəskin etirazlara görə yerli federasiyaya xəbərdarlıq edilmiş, stadionda yaşananlar üzündən UEFA oyunun azarkeşsiz keçirilməsinə qərar vermişdi. Belə hallarda “kompensasiya” mütləq olur. Hakimlərin ev sahiblərinə son anda olsa belə, kömək edəcəkləri öncədən bilinirdi. Qabaqlayıcı amil kimi oyundan əvvəl AFFA UEFA-ya hansısa mənada xəbərdarlıq etməliydi. Frits Stuxlik kimi lobbi gətiriblər. Bəhlulun rəqib qapısından keçirdiyi top 100 faiz qol idi. Adi epizoddu, baş hakimin önü bağlı ola bilərdi, lakin köməkçisinin epizodu görməməsi mümkünsüz idi. Qarışıq vəziyyət deyildi, laysmanın önü, görmə bucağı açıq idi. Bu, hakim səhvi deyildi, Slovakiya ilə ev oyununda başverənlərə görə 3 xalın macarlara qaytarılması idi”.

Oxşar xəbərlər
SON XƏBƏRLƏR