Sizin reklam burada

Samir Ələkbərov “Lvov”dan ayrıldı

Baxış Sayı:552


Ötən bazar günü “Bank Respublika Arena”da keçirilən “Sabah” – “Səbail” matçını izləyənlər arasında Samir Ələkbərov da var idi. Xatırladaq ki, oktyabrda 51 yaşını qeyd edəcək mütəxəssis mövsümlərarası fasilədə vaxtilə “Xəzər Lənkəran”da bir yerdə çalışdığı Yuri Panfilovun dəvəti ilə Ukraynaya yollanmış, elitada çıxış edən “Lvov”un məşqçilər korpusunda yer almışdı. Onu da bildirək ki, Lvov təmsilçisinin baş məşqçisi Panfilov olsa da, PRO kateqoriyasının olmaması səbəbindən sənəd üzərində komandanın baş məşqçisi kimi Bordan Bulavatski göstərilirdi.
Fasilədə mütəxəssisə yaxınlaşıb Bakıda olmağının səbəbi ilə maraqlandıq. Və məlum oldu ki, Ələkbərov “Lvov”dan ayrılıb. Daha doğrusu, klub rəhbərliyi uğursuz nəticələrə görə Panfilovu və köməkçilərini istefaya göndərib. Bu üzdən də Samir bəy vətənə dönüb və işsiz məşqçilərin siyahısını bir qədər də genişləndirib. Ələkbərovla geniş danışmaq istəsək də, müsahibə vermək istəmədiyini bildirdi, ancaq onu da əlavə etdi yaxın vaxtlarda “Lvov”dakı işi ilə bağlı ətraflı danışacaq.
Sonda onu da qeyd edək ki, Panfilovu istefaya göndərən rəhbərlik komandanın “sükan”ını bizlərə tanış olan başqa bir şəxsə tapşırıb. Bu, 2007-09-cu illər aralığında “Simurq”un, 2009/10 mövsümündə “Standard”ın şərəfini qorumuş Vladimir Mazyardı. Onun təyinatı sentyabrın 10-da reallaşıb.
RƏŞAD

Oxşar xəbərlər
SON XƏBƏRLƏR