“Təlaş keçirmək yox, nəfəs almaq və düşünmək lazımdı”
Moskva "Dinamo"sunun idman direktoru Roman Oreşuk sport.24.ru-ya müsahibə verib. Klub rəsmisi mövsümlərarası fasilədə transfer etdikləri yığmamızın hücumçusu Ramil Şeydayev haqda da danışıb. Oreşuk 23 yaşlı futbolçuya inandıqlarını bildirib: "Ramilin potensialının aşağı olduğunu düşünmürəm. Sevinirəm ki, Lutsenko və Markov qolları ilə fərqlənirlər. Şeydayevə isə sadəcə, ilk qolu vurmaq lazımdı. O da bunu edəcək. Özünün buna görə necə narahat olduğunu görürəm. Biz Ramilə inanırıq, o, "Dinamo" üçün qollar vuracaq. Bunun vaxtı var. Təlaş keçirmək yox, nəfəs almaq və düşünmək lazımdı. Hazırkı düşüncəsindən qurtulmalıdı. Hədəflər özü gələcək".
Qeyd edək ki, Ramil Şeydayev Rusiya premier-liqasında oynadığı ilk 6 turda qol vura bilməyib, son iki matçda isə ehtiyatda qalıb.
