Sizin reklam burada

Beqoviç sonuncu dəfə 5 ay əvvəl meydana çıxıb

Baxış Sayı:503

Beqoviç sonuncu dəfə 5 ay əvvəl meydana çıxıb
Həyəcanlandığını deyib, “1” nömrəni seçdi
Avroliqanın qrup mərhələsinə vəsiqə qazanan “Qarabağ” “çərçivədə”ki rəqabətsizliyə son qoydu. Ağdamlılar İngiltərə futbolundan, dəqiq desək, “Çelsi” ilə “Stok Siti”dən, həmçinin Bosniya və Hersoqovina yığmasından tanıdığımız Asmir Beqoviçi rənglərinə bağlayıb. Xəbər verdiyimiz kimi, 32 yaşlı qolkiper azı bu ilin dekabrına qədər icarə əsasında Azərbaycan çempionunun şərəfini qoruyacaq.
Beqoviç “Qarabağ”la müqavilə bağlayandan dərhal sonra şəxsi “tvitter” səhifəsində maraqlı paylaşım edib. Təcrübəli futbolçu bu sözləri yazıb: “Qarabağ”ı icarə əsasında seçdiyimə görə çox həyəcanlıyam”.
Maraq üçün qeyd edək ki, Asmir yeni komandasında ona doğma olan nömrə altında çıxış edəcək. Bosniyalı “1” nömrəni seçib. Bu nömrəni kürəyində sonuncu dəfə Hannes Halldorsson daşımışdı. Ümid edək ki, nömrələri eyni olsa da, “Qarabağ”a verdikləri fayda fərqli olacaq.
Hə, daha bir məqama toxunmaq yerinə düşər. Bosniyalı qapıçının transferindən sonra azarkeşlərin maraqlandıran sual Beqoviçin hazırda hansı formada olmasıdı. Əlbəttə, bununla bağlı konkret rəy bildirmək çətindi. Çünki qapıçının artıq çəkisi yoxdusa, sonuncu dəfə nə vaxt meydana çıxması ciddi önəm daşımır. Bir neçə məşq etməklə “çərçivə”ni duymaq hissini qaytara bilirlər. Kamran Ağayev nümunəsini unutmayaq.
Bosniya və Hersoqovina millisində 61 oyun keçirən qapıçı Robert Prosineçkinin gəlişindən sonra İbrahim Şehiçin əvəzləyicisi statusunu daşımaqdadı. O, sonuncu dəfə 2018-ci il oktyabrın 11-də Türkiyə ilə yoldaşlıq görüşündə meydana çıxıb. O vaxtdan bu yana əsas heyət üzünə həsrət qalan Asmirin son zamankı klub karyerasının da parlaq olduğunu demək çətindi. 2017/18 mövsümündə premyer-liqada “Bornmut”un formasında 38 oyunun iştirakçısı olan bosniyalı ötən mövsüm 24 dəfə ilk “11-lik”də görünüb. Cari mövsümdə isə premyer-liqanın 4 oyununda qapını 21 yaşlı Eron Ramzdeyl qoruyub, 39 yaşlı Artur Boruç “18-lik”də şans gözləyib. Qısası, Asmirin adı heç bir oyunun protokoluna salınmayıb.
Sonuncu dəfə nə vaxt oynadığına gəlincə, bu, aprelin 6-da, İngiltərə premyer-liqası çərçivəsində baş tutan “Bernli” ilə matça təsadüf edib. 5 ay bundan əvvələ...
HƏBİB

Oxşar xəbərlər
SON XƏBƏRLƏR