PFL 13 klubdan müsbət cavab alıb
Bütün diqqətlər təmsilçilərimizin avrokuboklardakı çıxışına yönəldiyi bir vaxtda avqustun 5-də 2019/20 mövsümünün püşkatma mərasimi keçiriləcək. Saat 15.00-da, AFFA-nın inzibati binasında baş tutacaq tədbirdə yalnız premyer-liqa klublarının rəsmiləri iştirak edəcək.
Bildiyiniz kimi, yeni mövsümün Əsasnaməsində əlavə və dəyişikliklər olub. Bu haqda geniş məlumatı PFL-in Texniki-İdman şöbəsinin rəisi Elgiz Abbasov qəzetimizə açıqlamasında vermişdi. Abbasov detallara girməsə də, xeyli yeniliyin olduğunu gizlətməmişdi. Bu məqamda ortaya sual çıxır. Klublar Əsasnamədəki şərtlərlə püşkatma günü tanış olacaqsa, sonradan mümkün çatışmazlıqlara görə vaxt azlığını bəhanə gətirməyəcəklər? Elgiz bəyin fikrincə, heç bir problem olmayacaq: “Daha öncə də dediyim kimi, ötən mövsümlə müqayisədə Əsasnamədə xeyli yenilənmələr olub. Futbolda bəzi dəyişməyən qərar və tövsiyələr var ki, onlar dəyişməz qalıb. Amma bir çox şeyləri beynəlxalq təcrübəyə əsaslanıb müasirləşdirmişik. Fikrimcə, ortaya normal iş çıxara bilmişik. Həyatda heç nə mükəmməl deyil. Hansısa çatışmazlıqların olması normaldı. Mümkündü ki, mövsümün gedişində hansısa boşluqlar görək, yeni nələrsə üzə çıxsın. O ki qaldı sualınızın əsas hissəsinə, ciddi dəyişikliklərlə bağlı klubları daha öncədən məlmatlandırmışıq. Elə şeylər var ki, onları həyata keçirmək üçün vaxt lazımdı. Həmin məlumatlar klublara göndərilib. Əsasnamə hazırdı, sabah (bu gün) tam tirajla əlimizdə olacaq. Püşkatma günü nüsxələr klub rəsmilərinə təqdim olunacaq. Hansısa mətbu orqan ehtiyac duyarsa, onlara da verə bilərik. Ona görə də klubların yeniliklərə görə nəyisə problem edəcəyini düşünmürəm. Klublarla əlaqələri xeyli gücləndirmişik. Hansısa yenilik olan kimi e-mail vasitəsi ilə göndəririk və sevindirici hal odu ki, dərhal cavab alırıq. Bu da klublarda peşəkar kadrların olmasının göstəricisidi. Yay fasiləsində də müntəzəm əlaqə saxlamışıq, lazım olan bilgiləri vermişik”.
Premyer-liqa ilə bağlı vəziyyət məlumdu. Qalır birinci divizion. Hər il sentyabrda başlamasına adət etdiyimiz aşağı dəstə bu il daha tez başlayacaq. Sadəcə, məsələ burasındadı ki, iştirakçıların dəqiq sayı bilinmir. “Şüvəlan” tarixin yaddaşına qovuşdu, ötən il birinci divizionda çıxış etməkdən boyun qaçıran “Qəbələ”nin bu dəfə hansı addımı atacağı dəqiq deyil. Abbasova bu haqda sual ünvanlayanda, hər kəsi təəccübləndirəcək cavab aldıq: “Bildiyiniz kimi, “Şüvəlan” “dağıldı”, ona görə də növbəti çempionatda olmayacaq. Qalan 13 klubun hər birinə müraciət ünvanlamışıq və müsbət cavab almışıq. Əslində “Qəbələ”yə də sorğu göndərmişdik. Lakin bu gün (imtina) onlardan imtina cavabı aldıq. Ötən mövsüm olduğu kimi, “Qəbələ” növbəti birincilikdə də iştirak etməyəcək. O ki qaldı birinci divizionun püşkatma vaxtına, müxtəlif variantlar var, lakin yekun qərar avqustun 5-də veriləcək. Çempionatın avqustun 22-də başlayacağı isə dəqiqdi”.
Bu yerdə STOP deməyə borcluyuq. İcraiyyə Komitəsinin marta təsadüf edən iclasında bir sıra qərarlar qəbul olunmuşdu ki, onlardan biri də aşağı dəstə ilə bağlıydı. Konkretləşdirək: “Növbəti mövsüm 1-ci divizionda iştirak edəcək əvəzedici komandalar AFFA-dan 50 min manat pul alacaq. Bu çempionatda iştirakdan imtina edən komanda 100 min manat cərimələnəcək”.
Bu qərar futbol “ağsaqqalları”nın toplaşdığı iclasda qəbul olunmuşdu. Və ehtimal olunurdu ki, “Qəbələ” növbəti dəfə “yox” deyə bilməyəcək. Necə deyərlər, sən saydığını say, gör fələk nə sayır. Görünür, bölgə təmsilçisi həmin 100 manatı ödəməyi birinci divizionda çıxış etməkdən daha üstün sayır. Bir də ki, əvəzedici komandanın üzvləri əsas komandanın heyətindədisə, “aşağı”da kim oynayacaq? Elgiz bəy “Qəbələ” ilə bağlı suala cavab verməkdə çətinlik çəkdiyini gizlətmədi: “Bu, mənim səlahiyyətimdə olan iş deyil. Cəriməni ödəyəcəklər, yoxsa başqa nəsə olacaq – hər halda, rəhbərlərin həll edəcəyi məsələdi. Bildiyim odu ki, “Qəbələ” rəsmən birinci divizionda iştirak etməyəcəyini bildirib”.
HƏBİB

Son xəbərlər

Fransa pley-offda, Argentina ilk qələbəsini qazandı - YENİLƏNİB

Mbappe bu 3 əfsanəni geridə qoydu

Levandovski ən yaxşı seçildi

Lukaku Belçikanın heyətinə qayıdır

Neymar ilə Danilonun aqibəti müəyyənləşdi

Sərdar Azmun azərbaycanlıdı? - ARAŞDIRMA

Ronaldo rekordlardan doymur

Valensiya DÇ tarixində bunu bacaran 4-cü futbolçu oldu

Sərdar Azmundan ''Fənərbaxça'' etirafı

Hakim Cavid Hüseynova hansı sözünə görə qırmızı vərəqə verib? - AÇIQLAMA

Mundiallar tarixində 3-cü qapıçı oldu

Milli komandanın yeni rekordçusu oldu

Fransalı oyunçu sıraya döndü

Dünya çempionatında ardıcıl 8-ci məğlubiyyət

Azarkeç DÇ-nin oyunu zamanı dünyasını dəyişdi

İdmançımız dünya oyunlarında gümüş medal qazandı

Dünya çempionatının finalında İT menecer olacaq azərbaycanlı ilə MÜSAHİBƏ

Tofiq Həbibin qohumu ilə döyüşmək istəyir

Məşqçisi Cokoviçin sirrini açdı

Oğul Rafael ata Rafaelin həyatını dəyişib

Azərbaycan çempionatının keçirilmə vaxtı açıqlandı

"Qarabağ" - "Zirə" matçının biletləri satışa çıxarılır

Prezident cinsi zorakılıqda suçlandı və istefa verdi

15-ci turun təyinatları bəlli oldu

Azərbaycan klubu dünya çempionatında oynayan futbolçunu transfer etmək istəyir

Mundialla erkən vidalaşdı

Entoni Devis klub rekordunu təkrarladı

Veteran futbolçu dünyasını dəyişdi

Ernandes əməliyyat olundu

Saniyədə 20 min paylaşım!

Bu dəfə himni oxudular, fitə basıldılar

Oveçkin 790-a çatdı

İdmançımız qızıl medal qazandı

Antonun komandasından növbəti qələbə

Ronaldoya daha bir müştəri

Niderland Ekvador matçında qollu sülh - VİDEO

“Çikaqo” “Boston”un qələbə seriyasını qırdı

Ponomaryov: “Bu mövsüm qarşımıza əsas məqsəd kimi çempionluq uğrunda mübarizəni qoyduq” - MÜSAHİBƏ

Qətər - Seneqal matçında 4 qol - VİDEO

"Kuboku qazanmaq istəyirik" - "Səbail"in futbolçusu

"Bu bizi qətiyyən qorxutmur" - Mirabdulla Abbasov

Fərid Qayıbov olimpiya idman komplekslərinin rəhbərləri ilə görüşdü

Mundiallar tarixində ilk

Cokoviç özünü hamıdan yaxşı sayır

“İnanıram ki, yığmamız həmin görüşlərdə sözünü deyəcək” - 1:8 hesabı ilə uduzan millimizin üzvü

Bütün xəbərlər