“Ağabala Ramazanovun “Universitatya”ya transferinə Zair imkan vermir”
Rumıniyada yaşayan soydaşımız-həmkarımız Abbas Zahidi dünən “feysbuk” profilində maraqlı status paylaşıb: “Deyilənə görə, "Universitatya Krayova" Ağabala Ramazanovu almaq istəyir. Qardaşı Zaur Ramazanov isə buna qarşıdı. Deyir Bakıda oynayır da, nə edir Rumıniyanı? Çox təəssüf ki, qardaşı onu sıxışdırır. O qorxur ki, Ağabala ehtiyyatda qalacaq. Onu deyim ki, Rumıniyada heç bir oyunçu gələn kimi birbaşa “11-liy”ə düşmür. Əsasən də onu nəzərə almaq lazımdı ki, Ağabala komandanın hazırlığında iştirak etməyib, o, 100 faiz ilk 4-5 turda ehtiyatda oturacaq. Ola bilər ki, bu arada heç “18-liy”ə düşməsin. Amma sonra o, öz üzərində işləsə, hər şey alınacaq. O qədər mənasız legioner burda böyüyüb ki, gəl görəsən.
Rumıniyada hər klub iki legionerlə oynaya bilər (Avropa İttifaqının vətəndaşları legioner sayılmır). Rumıniya klubları hər legioneri almamış Fiskal Agentliyinə heç bir borcun olmadığını sübut etməlidi (məhz bu səbəbdən Araz Abdullayev əvvəllər "Astra"ya keçə bilmədi). "Universitatya Krayova" bunu edirsə, deməli, pul məsələsində hər şey qaydasındadır. Rumıniyada isə belə klub tapmaq çox çətindi. Sözümün canı odu ki, bu şans həqiqidisə, bundan yararlanmaq lazımdı. Amma hiss edirəm ki, bu işdə "əmma" var. Avqustun 1-də, Avropa Liqasının 2-ci təsnifat mərhələsinin "Universitatya" - "Honved" oyununda mən işləyəcəm və orda bu xəbərin nə qədər dəqiq olub-olmadığını araşdıracam”.
ORXAN