"Qarabağ" fantastik komandadı, hücum futbolu oynayırlar”
Çempionlar Liqasının 1-ci təsnifat mərhələsində "Riqa"nı penalti seriyası hesabına keçən İrlandiya çempionu növbəti raundda "Qarabağ"la qarşılaşacaq. Yerli mətbuata açıqlamasında cütlüyü dəyərləndirən “Dandolk”un baş məşqçinin köməkçisi Ruadri Hiqqins "Qarabağ" barədə müsbət fikirlər səsləndirib: "Riqa" ilə oyun bizim üçün dramatik alındı. Futbolçularımız əsl xarakter nümayiş etdirdilər. Lovğalıq kimi çıxmasın, "Qarabağ"a qarşı ev matçının hazırlığına çoxdan başlamışıq. İlk gündən bütün potensial rəqiblərimiz barədə araşdırma aparmışıq. Gələn həftə daha bir addım atacağıq. "Qarabağ" fantastik komandadı, hücum futbolu oynayırlar. Daha çox irəliləmək istəyiriksə, vaxt itirmədən bərpa olunmalı və qarşıdakı oyunun hazırlığına maksimum şəkildə hazırlaşmalıyıq".
HƏBİB