Sizin reklam burada

“Neftçi” müqavilə yenilədi, formanı təqdim etdi

Baxış Sayı:328


“Neftçi” Avroliqanın 1-ci təsnifat mərhələsində qarşılaşacağı Moldova “Sperantsa”sı ilə səfər oyununun hazırlığını davam etdirir. Roberto Bordinin komandası dünən öz bazasında növbəti məşqə çıxıb. Hazırlıq prosesində toplu və taktiki çalışmalar yerinə yetirilib. “Ağ-qaralar” bu gün səhər məşqindən sonra Moldovaya yollanıb.
“Neftçi” yeni mövsüm üçün 3-cü formasını təqdim edib. Klub rəsmi “feysbuk” səhifəsi ilə daha bir formasının qırmızı rəngdə olduğunu göstərib. "Ağ-qaralar" Türkiyədəki yoxlama oyunlarında məhz bu rəngdə formada çıxış edib. Komandanın əsas forması ağ-qara, ikinci forması ağ rəngdədi.
Bu arada Rəhman Hacıyevlə müqavilənin müddəti daha 1 illik artırılıb. 25 yaşlı yarımmüdafiəçi 2020/21 mövsümünün sonuna qədər komandanın şərəfini qoruyacaq. 2014/15 mövsümündən “Neftçi”də çıxış edən Hacıyev bu müddətdə meydana çıxdığı 145 oyunda 15 qola imza atıb.
“Neftçi” Namiq Ələsgərovla 2019/20 mövsümünün sonunda bitəcək müqavilənin müddətini də uzadıb. Yeni anlaşmaya görə 24 yaşlı yarımmüdafiəçi 2020/21 mövsümünün sonuna kimi “ağ-qaralar”ın uğurları üçün çalışacaq. Namiq 2016-19-cu illər ərzində “Neftçi”nin heyətində 70 oyuna çıxıb, 12 qol vurub.
Moldova kubokunda isə 1/8 finalın cavab oyunları keçirilib. “Sperantsa” aşağı liqa təmsilçisi Drokiya "Sperantsa"sı ilə üz-üzə gəlib. İlk oyunda rəqibini 6:1 hesabıyla darmadağın edən “Neftçi”nin rəqibi bu dəfə 3 cavabsız qola sevinərək növbəti mərhələyə yüksəlib.

Oxşar xəbərlər
SON XƏBƏRLƏR